ଦେବବ୍ରତ ପଣ୍ଡା

17/05/2025 at 8:40 PM

ତପସ୍ବିନୀ ଏକ୍ସପ୍ରେସକୁ ପଥରମାଡ । ରେଙ୍ଗାଲି ଝାରସୁଗୁଡା ମଝିରେ ଟ୍ରେନ୍କୁ ପଥର ମାଡ ହୋଇଥିବା ସୂଚନା । ପଥର ମାଡରେ ଟ୍ରେନ୍ର କାଚ ଭାଙ୍ଗିବା ସହ ଅନେକ କ୍ଷୟକ୍ଷତି ହୋଇଥିବା ଜଣାପଡିଛି ।
ଖବର ଅନୁଯାୟୀ, ଶନିବାର ଭୋର ସମୟରେ ସମ୍ବଲପୁର ରେଙ୍ଗାଲି ଷ୍ଟେସନ ରୁ ଟ୍ରେନ ଝାରସୁଗୁଡ଼ା ଅଭିମୁଖେ ଯାଉଥିବା ବେଳେ ଲପଙ୍ଗା ଓ ବୃନ୍ଦା ମାଲ ରେଳ ଷ୍ଟେସନ ମଝିରେ ଟ୍ରେନ କୁ ପଥର ମାଡ ହୋଇଥିଲା।
ଯେଉଁଥିରେ ଟ୍ରେନ୍ର କାଚ ଭାଙ୍ଗିବା ସହ ଅନେକ ସିଟ୍ ମଧ୍ୟ ନଷ୍ଟ ହୋଇଛି । ସକାଳ ୫ଟା ୪୫ ମିନିଟ୍ରେ ଟ୍ରେନ୍ B6ର ସିଟ୍ ନମ୍ବର ୧୫ ଏବଂ B7ରେ ପଥର ମାଡ଼ ହୋଇଥିବା ସୂଚନା ମିଳିଛି । ଏହି ପଥର ମାଡ ରେ କେହି ଆହତ ହୋଇ ନଥିବାର ସୂଚନା ମିଳିଛି।
ତେବେ କିଏ ଓ କାହିଁକି ପଥର ମାଡ଼ କରିଛନ୍ତି । ଏବେ ଯାଏଁ ସ୍ପଷ୍ଟ ସୂଚନା ମିଳିନାହିଁ । ପୋଲିସ ଘଟଣାର ତଦନ୍ତ କରୁଥିବା ଜଣାପଡିଛି ।