ଦେବବ୍ରତ ପଣ୍ଡା23/06/2025 at 10:27 PM
ସମ୍ବଲପୁର ଜିଲ୍ଲା ରେଙ୍ଗାଲି ବ୍ଲକ ବାରିକ ପାଲି ଠାରେ ଭାରି ଯାନ ଚଲା କୁ ବିରୋଧ କରି ଗ୍ରାମବାସୀ ତିନି ଘଣ୍ଟା ରାସ୍ତା ରୋକ କରିଥିଲେ। ସୂଚନାଯୋଗ୍ୟ ସପ୍ନେ ପୋଲ ଖୋଲିବା ପରେ ଝାରସୁଗୁଡ଼ା ଜିଲ୍ଲା ଓ ସମ୍ବଲପୁର ଜିଲ୍ଲା ମଧ୍ୟରେ ଗମନାଗମନ ସୁବିଧା ହୋଇଯାଇଛି। ଫଳରେ ଝାରସୁଗୁଡ଼ା ଜିଲ୍ଲା ରେ ଥିବା ଓପିଜିସି କାରଖାନା ଓ ଜେ ଏସ ଡବ୍ଲୁ କାରଖାନା ର ଭାରିଯାନ ଗୁଡ଼ିକ ସପ୍ନେ ବ୍ରିଜ୍ ଦେଇ ସମ୍ବଲପୁର ଜିଲ୍ଲା କୁ ଆସୁଛି। ଭାରିଯାନ ଗୁଡ଼ିକ ଚାଲିବା ଫଳରେ ରାସ୍ତା ଖରାପ ହୋଇଗଲାଣି। ଭାରି ଯାନ ଗୁଡ଼ିକ ଓଭର ଲୋଡ଼ିଂ ଆଣୁଥିବାରୁ ରାସ୍ତା ଏବେ ଚାଲିବା ଉପଯୋଗୀ ରହିନାହିଁ ବୋଲି ଗ୍ରାମବାସୀ ଅଭିଯୋଗ କରିଛନ୍ତି। ଏହି ରାସ୍ତା ରେ ଭାରି ଯାନ ଚଲା କୁ ବନ୍ଦ କରିବା ପାଇଁ ଗ୍ରାମବାସୀ ଦାବୀ କରିଛନ୍ତି।