ଦେବବ୍ରତ ପଣ୍ଡା17/07/2025 at 7:47 PM
ଫକୀରମୋହନ ମହାବିଦ୍ୟାଳୟ ଛାତ୍ରୀ ଆତ୍ମାହୁତି ପ୍ରତିବାଦରେ ଓଡ଼ିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ସାରା ରାଜ୍ୟରେ ବନ୍ଦ ଡାକରା ଦିଆଯାଇଥିଲା । ଏହାକୁ ସମର୍ଥନ କରିଛନ୍ତି ବାମପନ୍ଥୀ ସହିତ ୮ ଟି ବିରୋଧୀ ଦଳ । ପୀଡ଼ିତାଙ୍କୁ ନ୍ୟାୟ ତଥା ମହିଳାଙ୍କୁ ସମ୍ମାନ ଦାବିରେ ଗୁରୁବାର ସକାଳ ୬ ଟାରୁ ସନ୍ଧ୍ୟା ୬ ଟା ଯାଏଁ ବନ୍ଦ ଡାକରା ଦିଆଯାଇଥିଲା। ରେଙ୍ଗାଲି ରେ ବନ୍ଦ ଶାନ୍ତିପୂର୍ଣ୍ଣ ରହିଥିଲା। ସକାଳୁ କଂଗ୍ରେସ କର୍ମୀମାନେ ପିକେଟିଂ କରି ସମସ୍ତ ଦୋକାନ ବଜାର, ସରକାରୀ ବେସରକାରୀ କାର୍ଯ୍ୟାଳୟ, ରେଙ୍ଗାଲି ଅଞ୍ଚଳରେ ଥିବା ସମସ୍ତ ସରକାରୀ ବେସରକରୀ ଶିକ୍ଷାନୁଷ୍ଠନଗୁଡ଼ିକୁ ବନ୍ଦ ରହିଥିଲା। କଂଗ୍ରେସ ନେତା ଓ କର୍ମୀ ମାନେ ରେଙ୍ଗାଲି ତହସିଲ୍ ଛକ ଠାରେ ରାଜ୍ୟ ରାଜପଥ 10କୁ ଅବରୋଧ କରିଥିଲେ। ଏହି ବନ୍ଦ ରେ ଜିଲ୍ଲା କଂଗ୍ରେସ ଉପସଭାପତି ସୁବାଷ ବିଶ୍ଵାଳ, ସି ପି ଆଇ ରାଜ୍ୟ ସହ ସମ୍ପାଦକ କ୍ଷୀରୋଦ ସିଂହଦେଓ, ରେଙ୍ଗାଲି ବ୍ଲକ କଂଗ୍ରେସ ସଭାପତି ଚତୁର୍ଭୁଜ ଝାଙ୍କର, ଜିଲ୍ଲା କଂଗ୍ରେସ ସମ୍ପାଦକ ସରୋଜ ପୂଝାରୀ, ସି ପି ଆଇ ଜୋନ ସମ୍ପାଦକ ନିରୋଦ ସିଂହଦେଓ, ମିତ୍ରଭାନୁ ପୋଢ଼, ଗଣେଶ ସୋହେଲା, ଅନିଲ ବେହେରା, ସାଗରା ଭୋଇ, ଜଗନ୍ନାଥ ମେହେର, ମୋହନ ନାୟକ, ମନ୍ତ୍ରୀ ଙ୍କ ସହ ବହୁ କଂଗ୍ରେସ ଓ ସି ପି ଆଇ କର୍ମୀ ଯୋଗ ଦେଇଥିଲେ।