ରାଜାରାମ ଷଡଙ୍ଗୀ

20/07/2025 at 4:08 PM

ସମ୍ବଲପୁର, ତା ୨୦.୭:ପୂର୍ବାହ୍ନ ରେ ସମ୍ବଲପୁର ପବ୍ଲିକ ଲାଇବ୍ରେରୀ ର ନିଜସ୍ୱ ପ୍ରେକ୍ଷାଳୟ ରେ ୨୦୨୫ ବର୍ଷ ପାଇଁ ରାଷ୍ଟ୍ର ନିର୍ମାର୍ଣ ରେ ଯୁବ ପ୍ରସ୍ତୁତି ପ୍ରଶିକ୍ଷଣ ଶିବିର ର ତ୍ରୟୋଦଶ ସପ୍ତାହ ର ଶିକ୍ଷାଦାନ ଅନୁଷ୍ଠିତ ହୋଇଯାଇଛି।ପୂଜାର୍ଚ୍ଚନା ଓ ପ୍ରାର୍ଥନା ପରେ ପ୍ରଥମ ଅଧିବେଶନ ନୈତିକ ଶିକ୍ଷା ଆଧାରରେ ଲିଙ୍ଗଗତ ବୈଷମତା ଉପରେ ଆଲୋକପାତ କରି ସାମ୍ବାଦିକା ସୁଶ୍ରୀ ଗାର୍ଗୀ ଶଥପଥି ପୁରୁଷ ପ୍ରଧାନ ସମାଜ ରେ ପୁରୁଷ ଓ ସ୍ତ୍ରୀ ମଧ୍ୟରେ ପୁରାଣ ଯୁଗ ରୁ ରହିଥିବା ବୈଷମତା ସବୁ ବିଭିନ୍ନ ଉଦାହରଣ ସହ ବୁଝେଇ ବର୍ତ୍ତମାନ ମଧ୍ୟ ଏହା ଆମ ସମାଜ ରେ ପ୍ରଚଳିତ ଥିବା କହି ଏ କୁ ପ୍ରଥା ବିରୁଦ୍ଧରେ ସ୍ୱର ଉତ୍ତୋଳନ କରିବାକୁ ବୁଝେଇ ଅତୀତ ର ଅନେକ ନାରୀ ନେତ୍ରୀ ଙ୍କ ଜୀବନୀ ଉପରେ ଆଲୋଚନା କରି ବିଶେଷ କରି ଝିଅ ମାନେ ନିଜେ ସ୍ୱାବଲମ୍ବୀ ଓ ସାହସୀ ହେବାକୁ ଆହ୍ୱାନ ଦେଇ ଥିଲେ।
ଦ୍ଵିତୀୟ ଅଧିବେଶନ ରେ ଶ୍ରମ ର ମହତ୍ୱ ଉପରେ ଆଲୋଚନା ଆରମ୍ଭ କରି ସମାଜ ସେବୀ ତଥା ଶ୍ରମିକ ନେତା ସରୋଜ ମହାନ୍ତି ଘରେ ମା ର ଶ୍ରମ ଠାରୁ ଆମ ଦୈନ ଦିନ ଜୀବନ ରେ ବ୍ୟବହୃତ ଖାଦ୍ୟ ଵସ୍ତ୍ର ଓ ବିଭିନ୍ନ ପଦାର୍ଥ,ଆମ ପାଖରେ ପହଞ୍ଚିବାରେ ପରୋକ୍ଷ ରେ ଶ୍ରମିକ ର ଶ୍ରମ ଓତଃପ୍ରୋତ ଭାବେ ଜଡ଼ିତ ଥିବା ବିଭିନ୍ନ ଉଦାହରଣ ସହ ବୁଝେଇ ଶ୍ରମ ର ବର୍ଗିକରଣ ଉପରେ ଆଲୋଚନା କରି ଶ୍ରମିକ ବିନା ଆମର ସମଗ୍ର ବ୍ୟବସ୍ଥା ଠପ ହୋଇଯିବ କିନ୍ତୁ ଆମେ ଶ୍ରମିକ ର ଶ୍ରମ କୁ ଉଚିତ ମୂଲ୍ୟ ଦେଉନଥିବା କହି,ପିଲାଙ୍କୁ ପରିଶ୍ରମୀ ହେବାକୁ ଆହ୍ୱାନ ଦେଇ ଶ୍ରମିକ ଓ ଶାରିରୀକ ଶ୍ରମ କୁ ମହତ୍ୱ ଓ ସମ୍ମାନ ଦେବାକୁ ବୁଝେଇଥିଲେ।
କାର୍ଯ୍ୟକ୍ରମ ର ସଂଯୋଜକ ରାଜେନ୍ଦ୍ର ପଣ୍ଡା ଆରମ୍ଭରୁ ପିଲାଙ୍କୁ ମୌଳିକ ଇଂରାଜୀ ଶିକ୍ଷାପ୍ରଦାନ ସହ ସମସ୍ତ କର୍ୟ୍ୟକ୍ରମ କୁ ପରିଚାଳନା କରିଥିଲେ।ଆଜି ର କାର୍ଯ୍ୟକ୍ରମ ରେ ପ୍ରଶିକ୍ଷାର୍ଥୀ ମାନ ଙ୍କ ମଧ୍ୟରୁ ସୋନାଲି,ସିଦ୍ଧାର୍ଥ,ଗୌରବ ,ପୂଜାରଣୀ, ଆଶୁତୋଷ,ଫତିମା,ମୋନାଲିସା,ସାକ୍ଷୀ, ନିଳେନ୍ଦ୍ରୀ, ସୋନୁ, ସୌରଭ,ଓ ଅଭିଜ୍ଞାନ ପ୍ରମୁଖ ଆଲୋଚନା ରେ ସକ୍ରିୟ ଅଂଶ ଗ୍ରହଣ କରିଥିଲେ। ବିଶିଷ୍ଟ ବ୍ୟକ୍ତି ଭାବେ ଡ଼,ଗିରିଧାରୀ ହୋତା, ଅର୍ଜୁନ ପଣ୍ଡା,ଉଦିତ ପାଟଯୋଶୀ, ଓ ପୃଥିବାରାଜ ମିଶ୍ର ପ୍ରମୁଖ ଉପସ୍ଥିତ ଥିଲେ । ବିଜୟ ସାହୁ ବୈଷୟିକ ସହାୟତା ଦେଇଥିଲେ।
ଏହି କାର୍ଯ୍ୟକ୍ରମ ରେ ୧୮ ଟି ବିଦ୍ୟାଳୟ ରୁ ୪୮ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ।