ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ22/08/2025 at 10:18 PM
ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ଜର୍ସିରେ ସ୍ଥାନ ପାଇବା ଯେକୌଣସି କମ୍ପାନୀ ପାଇଁ ଗର୍ବ ଏବଂ ସମ୍ମାନର ବିଷୟ। କିନ୍ତୁ ଅଦ୍ଭୁତ ସଂଯୋଗ ହେଉଛି ଯେ ୨୧ ଶତାବ୍ଦୀରେ ଯେଉଁ କମ୍ପାନୀ ଗୁଡ଼ିକ ଟିମ୍ ଇଣ୍ଡିଆର ଜର୍ସିର ମୁଖ୍ୟ ପ୍ରାୟୋଜକ ଥିଲେ ସେମାନେ କୌଣସି ଆଇନଗତ କିମ୍ବା ଆର୍ଥିକ ବିବାଦରେ ଫସିଗଲେ। ଏହା ସହିତ ସେହି କମ୍ପାନୀ ମଧ୍ୟ ଉଚ୍ଚ ସ୍ଥାନରୁ ତଳକୁ ପୁରା ଖସିଯାଇଛି।
ଏବେ ଏଥିରେ ଏକ ନୂତନ ନାମ Dream11 ଯୋଡି ହୋଇଛି। ସଂସଦରେ ଅନଲାଇନ୍ ଗେମିଂ ବିଲ୍ ପାରିତ ହେବା ପରେ Dream11 ମଧ୍ୟ ନିଜର ବ୍ୟାଗ୍ ପ୍ୟାକ୍ କରିବାକୁ ପ୍ରସ୍ତୁତ ହେଉଛି। ସେ ଅଗଷ୍ଟ ୨୧ (ଗୁରୁବାର) ରାଜ୍ୟ ସଭାରେ ପ୍ରମୋସନ୍ ଏବଂ ରେଗୁଲେସନ୍ ଅଫ୍ ଅନଲାଇନ୍ ଗେମିଂ ବିଲ୍, ୨୦୨୫ ପାରିତ ହୋଇଥିଲା। ଏହି ବିଲ୍ ପୂର୍ବରୁ ଲୋକସଭାରେ ପାରିତ ହୋଇସାରିଛି। ତେଣୁ ଏବେ ରାଷ୍ଟ୍ରପତିଙ୍କ ଅନୁମୋଦନ ପାଇବା ପରେ ଏହି ବିଲ୍ ଆଇନର ରୂପ ନେବ। ଏହି ବିଲରେ ସ୍ପଷ୍ଟ କରାଯାଇଛି, ଯେକୌଣସି ଗେମିଂ ଆପ୍ ଯେଉଁଥିରେ ଟଙ୍କାର କାରବାର ଅଛି ତାହାକୁ ସମ୍ପୂର୍ଣ୍ଣ ନିଷିଦ୍ଧ କରାଯିବ।ଏଥିରେ ଭାଗ୍ୟ ଆଧାରିତ ଏବଂ ଦକ୍ଷତା ଆଧାରିତ ଖେଳ ମଧ୍ୟ ଅନ୍ତର୍ଭୁକ୍ତ।
ଯେହେତୁ Dream11 ମଧ୍ୟ ଦକ୍ଷତା-ଆଧାରିତ ବର୍ଗରେ ଆସେ। ଏପରି ପରିସ୍ଥିତିରେ ବିଲ୍ ଆଇନରେ ପରିଣତ ହେବା ମାତ୍ରେ ଭାରତରେ Dream11ର ବିଦ୍ୟମାନ କାର୍ଯ୍ୟ ସମ୍ପୂର୍ଣ୍ଣ ଭାବରେ ବନ୍ଦ ହୋଇପାରେ।