Kimi Antonelli F1 Champion: ୨୦ ବର୍ଷ ବୟସରେ ଇତିହାସ ରଚିଲେ ଆଣ୍ଟୋନେଲି, ହେଲେ ସବୁଠୁ କମ୍ ବୟସର ବିଶ୍ୱ ବିଜେତା
ନୂଆଦିଲ୍ଲୀ: ଫର୍ମୁଲା ୱାନ୍ (F1) ଇତିହାସରେ ନୂଆ ରେକର୍ଡ କରିଛନ୍ତି ମର୍ସିଡିଜ୍ ଡ୍ରାଇଭର କିମି ଆଣ୍ଟୋନେଲି। ମାତ୍ର ୨୦ ବର୍ଷ ୬୮ ଦିନ ବୟସରେ ସେ F1 ବିଶ୍ୱ ଚାମ୍ପିୟନ ହୋଇଛନ୍ତି। ମେକ୍ସିକୋ ସିଟି ଗ୍ରାଁ ପ୍ରିରେ ତୃତୀୟ ସ୍ଥାନ ହାସଲ କରି ସେ ୨୦୨୬ ସିଜିନ୍ର ଡ୍ରାଇଭର୍ସ ଚାମ୍ପିୟନଶିପ୍ ଜିତିଛନ୍ତି। ଏହା ସହିତ ସେ ସେବାଷ୍ଟିଆନ୍ ଭେଟେଲ୍ଙ୍କ ୧୬ ବର୍ଷ ପୁରୁଣା ରେକର୍ଡ ଭାଙ୍ଗିଛନ୍ତି।
ଚଳିତ ସିଜିନ୍ରେ ଆଣ୍ଟୋନେଲିଙ୍କ ଏହା ନବମ ରେସ୍ ବିଜୟ। ମେକ୍ସିକୋ ଗ୍ରାଁ ପ୍ରିରେ ତୃତୀୟ ସ୍ଥାନରେ ରହିବା ସତ୍ତ୍ୱେ ଚାମ୍ପିୟନଶିପ୍ ଜିତିବା ପାଇଁ ତାଙ୍କର ଆବଶ୍ୟକ ପଏଣ୍ଟ ମିଳିଥିଲା। ଏହି ସଫଳତା ସହିତ ସେ ନିଜର ପ୍ରଥମ F1 ବିଶ୍ୱ ଟାଇଟଲ୍ ହାସଲ କରିଛନ୍ତି।
ଆଣ୍ଟୋନେଲିଙ୍କ ଏହି ବିଜୟ ଇଟାଲୀ ମୋଟରସ୍ପୋର୍ଟ ପାଇଁ ମଧ୍ୟ ଐତିହାସିକ। ୧୯୫୩ରେ ଆଲବର୍ଟୋ ଆସ୍କାରିଙ୍କ ପରେ ସେ ପ୍ରଥମ ଇଟାଲୀୟ ଡ୍ରାଇଭର ଭାବେ F1 ବିଶ୍ୱ ଚାମ୍ପିୟନ ହୋଇଛନ୍ତି। ଏଥିସହିତ F1 ଇତିହାସରେ ସବୁଠୁ କମ୍ ବୟସରେ ଏହି ଟାଇଟଲ୍ ଜିତିବାର ରେକର୍ଡ ମଧ୍ୟ ତାଙ୍କ ନାଁରେ ଯୋଡ଼ି ହୋଇଛି।
