Gujarat Diwali Parole: ଦୀପାବଳି ପାଳିବାକୁ ୧୪୩ କଏଦୀଙ୍କୁ ୧୫ ଦିନିଆ ପାରୋଲ୍, ନଭେମ୍ବର ୬ରୁ ମିଳିବ ଛୁଟି
ଗୁଜରାଟ: ଗୁଜରାଟ ସରକାର ଦୀପାବଳି ଅବସରରେ ୧୪୩ ଜଣ ଯୋଗ୍ୟ କଏଦୀଙ୍କୁ ୧୫ ଦିନ ପାଇଁ ପାରୋଲ୍ରେ ଛାଡ଼ିବାକୁ ଅନୁମତି ଦେଇଛନ୍ତି। ନଭେମ୍ବର ୬ ତାରିଖରୁ ଏହି ଛୁଟି ଆରମ୍ଭ ହେବ। ଏହାଦ୍ୱାରା ଦୀର୍ଘଦିନ ଧରି ଜେଲ୍ରେ ରହୁଥିବା କଏଦୀମାନେ ପରିବାର ସହ ଦୀପାବଳି ପାଳନ କରିବାର ସୁଯୋଗ ପାଇବେ।
ପାରୋଲ୍ ପାଇବାକୁ ଥିବା ୧୪୩ ଜଣଙ୍କ ମଧ୍ୟରେ ୬୦ ବର୍ଷରୁ ଅଧିକ ବୟସର ୧୦୩ ଜଣ ପୁରୁଷ କଏଦୀ ଏବଂ ୪୦ ଜଣ ମହିଳା କଏଦୀ ଅଛନ୍ତି। ସରକାରଙ୍କ ନିର୍ଦ୍ଧାରିତ ଯୋଗ୍ୟତା ମାନଦଣ୍ଡ ପୂରଣ କରୁଥିବା କଏଦୀମାନଙ୍କୁ ଏହି ସୁଯୋଗ ମିଳିବ।
ଗୁଜରାଟରେ ୨୦୦୩ ମସିହାରୁ ପ୍ରତିବର୍ଷ ଦୀପାବଳି ଅବସରରେ ଯୋଗ୍ୟ କଏଦୀଙ୍କୁ ଏଭଳି ପାରୋଲ୍ ଦେବାର ବ୍ୟବସ୍ଥା ରହିଛି। ଏହି ବାର୍ଷିକ ନୀତି ଅନୁସାରେ, କଏଦୀମାନେ ନିର୍ଦ୍ଧାରିତ ସମୟ ପାଇଁ ଜେଲ୍ ବାହାରେ ରହି ପରିବାର ସହ ପର୍ବ ପାଳନ କରିପାରିବେ।
