Nashik Kumbh Mela: ଗୋଦାବରୀ କୂଳରେ ଏକାଠି ହେଲେ ହଜାର ହଜାର ଭକ୍ତ, ମହାଆଳତିରେ ଗିନିଜ୍ ୱାର୍ଲ୍ଡ ରେକର୍ଡ
ମହାରାଷ୍ଟ୍ର: ମହାରାଷ୍ଟ୍ରର ନାସିକ୍ରେ କୁମ୍ଭମେଳା ଅବସରରେ ଗୋଦାବରୀ ନଦୀ କୂଳରେ ଏକ ବିଶାଳ ମହାଆଳତିର ଆୟୋଜନ କରାଯାଇଛି। ଏଥିରେ ହଜାର ହଜାର ଭକ୍ତ ଏକାଠି ହୋଇ ସାମୂହିକ ଭାବେ ମହାଆଳତି କରିଥିଲେ। ଏହି ଆଧ୍ୟାତ୍ମିକ ସମାଗମ ଗିନିଜ୍ ୱାର୍ଲ୍ଡ ରେକର୍ଡରେ ସ୍ଥାନ ପାଇଛି।
ଏହି କାର୍ଯ୍ୟକ୍ରମରେ ୬୫୦ଟି ଗାଁରୁ ଭକ୍ତମାନେ ଯୋଗ ଦେଇଥିଲେ। ଏକାସାଙ୍ଗରେ ଏତେ ସଂଖ୍ୟକ ଲୋକ ମହାଆଳତିରେ ସାମିଲ ହେବାରୁ ଗୋଦାବରୀ ନଦୀ କୂଳରେ ଭକ୍ତିମୟ ପରିବେଶ ସୃଷ୍ଟି ହୋଇଥିଲା। ଦୀପର ଆଲୋକ ଓ ସାମୂହିକ ପ୍ରାର୍ଥନାରେ ନଦୀକୂଳ ଆଲୋକିତ ହୋଇଉଠିଥିଲା।
୬୫୦ଟି ଗାଁର ଲୋକଙ୍କ ଏହି ସାମୂହିକ ଅଂଶଗ୍ରହଣ ମହାଆଳତିକୁ ଏକ ବିଶେଷ ରୂପ ଦେଇଥିଲା। ଧାର୍ମିକ ଆୟୋଜନ ସହ ଗିନିଜ୍ ୱାର୍ଲ୍ଡ ରେକର୍ଡ ହାସଲ କରିବା ଯୋଗୁଁ ଏହି କାର୍ଯ୍ୟକ୍ରମ ଏବେ ଚର୍ଚ୍ଚାରେ ରହିଛି।
