ସିତାଂଶୁ ଶେଖର ଜେନା11/07/2023 at 7:53 PM
ଯାଜପୁର ଜିଲ୍ଲା ଦଶରଥପୁର ବ୍ଲକ ଅସନପୁର ପଞ୍ଚାୟତସ୍ତ ପଞ୍ଚୁପୁର ନୋଡାଲ ବିଦ୍ୟାଳୟର ଶିକ୍ଷକ ଶଶଧର ସୁତାରଙ୍କ ଅନ୍ୟତ୍ର ବଦଳି ପ୍ରତିବାଦରେ ଆଜି ବିଦ୍ୟାଳୟର ଛାତ୍ର ଛାତ୍ରୀ ଓ ଅଭିଭାବକ ମାନେ ତାଲା ବନ୍ଦ ପକାଇ ଆନ୍ଦୋଳନ କରିଥିଲେ |ବିଦ୍ୟାଳୟର ଶିକ୍ଷକ ଶଶଧର ସୁତାରଙ୍କୁ ଅନ୍ୟତ୍ର ବଦଳି କରାଯାଇଥିବା ବେଳେ ଏହାର ପ୍ରତିବାଦ କରି ତୁରନ୍ତ ବଦଳି ଆଦେଶକୁ ପ୍ରତ୍ୟାହାର କରିବା ପାଇଁ ଦାବି କରିଛନ୍ତି ଅଭିଭାବକ ଓ ଛାତ୍ରଛାତ୍ରୀ| ଆନ୍ଦୋଳନ ସ୍ଥଳରେ ଶିକ୍ଷା ବିଭାଗର ଅଧିକାରୀ ମାନେ ପହଞ୍ଚି ଆନ୍ଦୋଳନକାରୀ ମାନଙ୍କୁ ବୁଝା ସୁଝା କରିବା ସହ ଖୁବ ଶୀଘ୍ର ଖାଲି ଥିବା ପଦବୀ ପୂରଣ କରାଯିବ ବୋଲି ପ୍ରତିଶୃତି ଦେବା ପରେ ଆନ୍ଦୋଳନକାରୀମାନେ ଆନ୍ଦୋଳନରୁ ଓହରି ଥିଲେ|