ଓଡ଼ିଶା ଆଦର୍ଶ ବିଦ୍ୟାଳୟ ରେଙ୍ଗାଲି ରେ ଅଭିଭାବକ ଶିକ୍ଷକ ବୈଠକ
ଓଡିଶା ଆଦର୍ଶ ବିଦ୍ୟାଳୟ ରେଙ୍ଗାଲି ରେ ଅଧ୍ୟକ୍ଷ ରମଣୀ କାନ୍ତ ସାହୁଙ୍କ ଅଧ୍ୟକ୍ଷତାରେ ଦଶମ ଶ୍ରେଣୀ ପିଲାଙ୍କ ପ୍ରଥମ ଶିକ୍ଷକ ଅଭିଭାବକ ବୈଠକ ଆୟୋଜିତ ହୋଇ ଯାଇଛି । ଉକ୍ତ ବୈଠକ ରେ ଆସନ୍ତା ଶିକ୍ଷା ବର୍ଷରେ ଦଶମ ଶ୍ରେଣୀ ପିଲାଙ୍କୁ କିପରି ପ୍ରସ୍ତୁତ କରାଯିବ ସେଥିପାଇଁ ପାଠ୍ୟ ଖସଡ଼ା ପ୍ରସ୍ତୁତ କରାଯିବା ସହ ଅଭିଭାବକ ମାନଙ୍କ ସହିତ ଆଲୋଚନା କରାଯାଇ ଥିଲା । ଏହା ସହିତ ଶ୍ରୀଯୁକ୍ତ ସାହୁ ପିଲାଙ୍କ ପ୍ରଗତି ପାଇଁ ଶିକ୍ଷକଙ୍କ ସହ ଅଭିଭାବକଙ୍କ ସହଯୋଗ ଆବଶ୍ୟକ ବୋଲି କହିଥିଲେ । ପ୍ରତ୍ୟେକ ବିଷୟର ଶିକ୍ଷକ ଓ ଶିକ୍ଷୟିତ୍ରୀ ମାନେ ନିଜ ବିଷୟ ଗୁଡ଼ିକରେ ନେବାକୁ ଚାହୁଁ ଥିବା ପଦକ୍ଷେପ ମାନ ଆଲୋଚନା କରିଥିଲେ । ଅଭିଭାବକ ମାନେ ମଧ୍ୟ ନିଜ ନିଜର ମତ ବ୍ୟକ୍ତ କରିଥିଲେ । ଶ୍ରୀମତୀ ନମିତା ପାଧ।ନ ନିଜ ମତ ଦେଇ କହି ଥିଲେ ଯେ ବିଜ୍ଞାନ ଓ ଗଣିତ ବିଷୟକୁ ଆହୁରି ସ୍ପଷ୍ଟୀକରଣ କରି ବ୍ୟାଖ୍ୟା କଲେ ପିଲା ଉପକୃତ ହେବେ, ଏବଂ ଶ୍ରୀମତୀ ସାଧନା ବିଶି ଆଇକୋନିକ୍ ଆଦର୍ଶ ବିଦ୍ୟାଳୟର ପଢ଼ା କୌଶଳରେ ଖୁସି ବ୍ୟକ୍ତ କରିବା ସହ ମାଗଣା ମେଡିକାଲ୍ ଓ ଇଂରନୀୟରିଂ କୋଚିଙ୍ଗର ସୁବିଧା ଦିଆ ଯାଉଥିବାରୁ ଏହି ବିଦ୍ୟାଳୟର ଅନେକ ପ୍ରଶଂସା କରିଥିଲେ ଏବଂ ଓଡ଼ିଆ ଓ ଇଂରାଜୀ ବିଷୟରେ ପିଲାଙ୍କ ମଧ୍ୟରେ ଥିବା ଜଟିଳତା କୁ ସରଳୀକରଣ କରିବା ପାଇଁ ମତ ପ୍ରଦାନ୍ କଲେ ।ଉକ୍ତ କାର୍ଯ୍ୟକ୍ରମକୁ ବିଦ୍ୟାଳୟର ଶିକ୍ଷକ ଦୁଷ୍ମନ୍ତ ମେହେର ପରିଚାଳନା କରିଥିବା ବେଳେ ଶିକ୍ଷୟିତ୍ରୀ ଲୁସି ସାହୁ ଧନ୍ୟବାଦ ଅର୍ପଣ କରିଥିଲେ ।
