ରୌପ୍ୟ ପଦକ ଧରି ଭିଟାମାଟିକୁ ଫେରୁଛନ୍ତି ଅଂଶୁମାନ
ସମ୍ବଲପୁର:ଆନ୍ତଃର୍ଜାତୀୟ ସ୍ତରରେ ଏକ ଉଦୀୟମାନ ତାରକାର ସୌଭାଗ୍ୟ ଅର୍ଜନ କରିଛନ୍ତି ସମ୍ବଲପୁରର ଅଂଶୁମାନ ବାବୁ। ଚଳିତ ମାସ ୨୬ ତାରିଖରୁ ୩୦ ତାରିଖ ପର୍ଯ୍ୟନ୍ତ ଥାଇଲାଣ୍ଡର ପଟ୍ଟାୟା ଠାରେ ଅନୁଷ୍ଠିତ ହେବାକୁ ଥିବା ଆନ୍ତଃର୍ଜାତୀୟ ସଫ୍ଟ ଟେନିସ୍ ଚମ୍ପିଆନସିଫ ୨୦୨୩ ରେ ୨୧ ବର୍ଷରୁ କମ୍ ବର୍ଗରେ ଅଂଶଗ୍ରହଣ କରି ଅଂଶୁମାନ ଭାରତ ପାଇଁ ଆଣିଛନ୍ତି ରୌପ୍ୟ ପଦକ।ଆଜି ସେ ରାଉରକେଲା ଇଣ୍ଟରସିଟିରେ ନିଜ ଭିଟାମାଟିକୁ ଫେରୁଛନ୍ତି। ସିଟି ଷ୍ଟେସନରେ ଓଲ୍ଲାଇବା ପରେ ସେଠି ତାଙ୍କୁ ସମ୍ବର୍ଦ୍ଧିତ କରି ପାଛୋଟି ଅଣାଯିବ ନିଜ ଭିଟା ମାଟି ଠେମେରା ଗ୍ରାମର ବାସ ସ୍ଥାନକୁ।ସାମାଜିକ ଅନୁଷ୍ଠାନ ସେବା ଓ ଠେମେରା ନୂଆଁ ଖାଇ ଭେଟଘାଟ କମିଟି ପକ୍ଷରୁ ଏଥିପାଇଁ ଆୟୋଜନ କରାଯାଇଛି।
ସର୍ବଭାରତୀୟ ସ୍ତରରେ ମୋଟ ୧୬ ଜଣଙ୍କ ମଧ୍ୟରୁ ଠେମେରା ଗ୍ରାମର ଅଂଶୁମାନ ଥିଲେ ଓଡିଶାର ଏକମାତ୍ର ତାରକା।ଏହି ସଫଳତା ଅଂଶୁମାନ ପାଇଥିଲେବି ପ୍ରତିଯୋଗିତାରେ ଭାଗ ନେବାକୁ ତାଙ୍କ ପାଇଁ ଅର୍ଥ ସାଜିଥିଲା ବାଧକ।ସମ୍ବଲପୁର ଜିଲ୍ଲାପାଳ ଅନନ୍ୟା ଦାଶ ଏହା ଜାଣିବା ପରେ ସହଯୋଗର ହାତ ବଢାଇଥିଲେ।ଶ୍ୟାମ ମେଟାଲିକ ପକ୍ଷରୁ ତାଙ୍କୁ ସହଯୋଗ କରାଯାଇଥିଲା। ଟେନିସ୍ ଫେଡେରେସନ୍ ଅଫ ଇଣ୍ଡିଆ ପକ୍ଷରୁ ଚୟନ ହୋଇ ଆନ୍ତର୍ଜାତୀୟ ସ୍ତରରେ ଭାଗ ନେଇ ଭାରତକୁ ରୌପ୍ୟ ପଦକ ଧରି ଆସିଥିବା ଏହି ଉଦୀୟମାନ ତାରକା ଅଂଶୁମାନ ହେଉଛନ୍ତି ଠେମେରା ଗ୍ରାମର ମୂଳ ନିବାସୀ ସଞ୍ଜିବ ଓ ଗାୟତ୍ରୀ ବାବୁଙ୍କ ଦ୍ୱିତୀୟ ପୁତ୍ର।ଅଂଶୁମାନଙ୍କ ଏହି ସଫଳତା ସର୍ବ ଭାରତୀୟ ସ୍ତରରେ କେବଳ ଗୌରବ ଆଣିନି ବରଂ ଓଡିଶା ଏଥିପାଇଁ ଗର୍ବିତ ଥିବା ନେଇ ଅଂଶୁମାନଙ୍କୁ ଅଭିନନ୍ଦନ ଜଣାଇଛନ୍ତି ରାଜ୍ୟ ସରକାରଙ୍କ ଯୁବ ଓ କ୍ରୀଡା ବିଭାଗ। ସମ୍ବଲପୁରର ଏହି ଉଦୀୟମାନ ତାରକା ସମଗ୍ର ବିଶ୍ୱରେ ଯେ,ଇତିହାସ ନରଚିବେ କିଏ କହିବ! ଏଭଳି ପ୍ରଶ୍ନ ବାଚକ ଲଗାଇ ଏହି ବାବୁଆଣୀ ଧି ଓଡିଶା.ନ୍ୟୁଜରେ ଯେଉଁ ପୁର୍ବାନୁଭାସ ଦେଇଥିଲେ ତାହାକୁ ମନେ ପକାଇ ଅଂଶୁମାନଙ୍କ ବାପା ସଞ୍ଜିବ ବାବୁ ପୁଅର ସଫଳତା ପାଇଁ ଓଡିଶା.ନ୍ୟୁଜକୁ କୃତଜ୍ଞତା ଜଣାଇଛନ୍ତି। ଆଜି ଅଂଶୁମାନଙ୍କ ଫେରିବା ବାଟକୁ ସମସ୍ତେ ଚାହିଁ ବସିଛନ୍ତି।
