ରବୀନ୍ଦ୍ର ପ୍ରସାଦ ଦାନୀ19/10/2023 at 7:17 PM
ଜମନକିରା : ଜମନକିରା ବ୍ଲକ ମୁଣ୍ଢେନପାଲି ଗ୍ରାମ ପଞ୍ଚାୟତ ଅନ୍ତର୍ଗତ ନୁଆଁବୁର୍ଦା ଓ ଝାରମୁଣ୍ଡା ଠାରେ ଆଜି ଭିନ୍ନ ଭିନ୍ନ ୨ଟି କୈଶୋର ସ୍ୱାସ୍ଥ୍ୟ ଦିବସ ପାଳନ କରାଯାଇଛି। ଉଭୟ କାର୍ଯ୍ୟକ୍ରମରେ ମୁଣ୍ଢେନପାଲି ଆଶା ବବିତା ନାଥ ଅଧ୍ୟକ୍ଷତା କରିଥିବା ବେଳେ ଡା.ରାଜାରାମ ଷଡଙ୍ଗୀ ଉଭୟ ସ୍ଥାନରେ କୈଶୋର ସ୍ୱପ୍ନ, ଜୀବନ କୌଶଲ, ଖାଦ୍ୟପେୟ ସୁରକ୍ଷିତ ସ୍ୱାସ୍ଥ୍ୟ ପ୍ରଭୃତି ସଂପର୍କରେ ଆଲୋଚନା କରିଥିଲେ।ଏଥିରେ ମହିଳା ସ୍ୱାସ୍ଥ୍ୟ କର୍ମି ସାହାନୀ ସାହୁ, ଆଶାମଞ୍ଜରୀ ପଣ୍ଡା, ସୁସ୍ମିତା ସାହୁ, ଅଙ୍ଗନୱାଡି କର୍ମୀ ମାଗଦାଲି ମୁଣ୍ଡା, ଅଲି ଗର୍ଡିଆ ଓ ଗୌରୀ ବିଶ୍ୱାଲ ପ୍ରମୂଖ କିଶୋରୀ ସ୍ୱାସ୍ଥ୍ୟ ନେଇ ବିଭିନ୍ନ ବିଷୟରେ ବୁଝାଇଥିଲେ।ଏହି ଉଭୟ ଗ୍ରାମର କିଶୋରୀ ବାଳିକା ମାନେ ଯୋଗଦେଇ ନିଜ ଭିତରେ ରହିଥିବା ବିଭିନ୍ନ ସନ୍ଧେହ ପଚାରି ବୁଝିଥିଲେ। ଏହି ସମୟରେ ନୂଆଁବୁର୍ଦାରେ ସାଧାରଣ ଜ୍ଞାନ ଓ ଝାରମୁଣ୍ଡା ଠାରେ ମ୍ୟୁଜିକ ଚେୟାର ପ୍ରତିଯୋଗିତା ହୋଇ କୃତି ପ୍ରତିଯୋଗିଙ୍କୁ ପୁରସ୍କୃତ କରାଯାଇଥିଲା। ଏଥିରେ ଗାଁ କଲ୍ୟାଣ ସମିତିର ସଦସ୍ୟମାନେ ସହଯୋଗ କରିଥିଲେ।