ସୁଶୀଲ କୁମାର ବାଗ6/11/2023 at 5:25 PM
କଳାହାଣ୍ଡି,୦୬/୧୧-କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ ସିକେରକୁପାଠାରୁ ନର୍ଲା ବ୍ଲକ ଜାମପଦରକୁ ସଂଯୋଗ କରୁଥିବା ପିଡବ୍ଲ୍ୟୁଡି ରାସ୍ତା କମର୍ଦ୍ଧା ନିକଟସ୍ଥ ମଗରଦାନୀ ପୋଲରେ ନିମ୍ନମାନର କାମ ଯୋଗୁଁ କାମ ନସରୁଣୁ ଗାଡ଼ୱାଲ ଭୁଷୁଡି ପଡିଛି। ଠିକାଦାରଙ୍କ ଲାଭଖୋର ମନୋବ୍ରୁତ୍ତି ଓ ଅତ୍ୟନ୍ତ ନିମ୍ନମାନର କାମ ଯୋଗୁଁ କାମ ନସରୁଣୁ ଗାର୍ଡୱାଲ ଭୁଷୁଡ଼ି ପଡ଼ିଥିବା ଅଭିଯୋଗ ହେଉଛି ! ସେହିପରି ବିଭାଗୀୟ ଅଧିକାରୀ ଓ କନିଷ୍ଠ ଯନ୍ତ୍ରୀ ଠିକାଦାରଙ୍କ ନିମ୍ନମାନର କାମକୁ ନିରବ ସମର୍ଥନ ଦେଉଥିବାରୁ ସାଧାରଣରେ ବେଶ୍ ଅସନ୍ତୋଷ ପ୍ରକାଶ ପାଇଛି ! ଏଣୁ ଏଇ ରାସ୍ତା ଓ ପୋଲ ନିର୍ମାଣର ଭିଜିଲାନ୍ସସ୍ତରୀୟ ତଦନ୍ତ ପାଇଁ ସାଧାରଣରେ ଦାବି ହେଉଛି !