ଲକ୍ଷ୍ୟ ଜ୍ୟୋତି ଜାଲ6/04/2023 at 7:29 PM
ଧର୍ମଗଡ଼,ତା ୬/୪- ଧର୍ମଗଡ ବ୍ଳକ ଧଅଁରପୁର ପଞ୍ଚାୟତ ଅନ୍ତର୍ଗତ ଆମ୍ବଗୁଡା ଗ୍ରାମରେ ଗୁରୁବାର ଦିନ ବଜ୍ରପାତରେ ଜଣକ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଥିବା ଜଣାପଡିଛି।ଗୁରୁବାର ଦିନ ଅପରାହ୍ନ ୨ଘଣ୍ଟା ସମୟରେ ଗ୍ରାମର ପ୍ରଦୀପ ଧରୁଆ (୨୦)ଓ ଯୁଗେଶ୍ୱର ମାଝୀ ବିଲରେ କାମ କରୁଥିବାବେଳେ ବଜ୍ରପାତ ହୋଇଥିଲା। ପ୍ରଦୀପ ଧରୁଆ ଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଯୁଗେଶ୍ୱର ଅତି ଗୁରୁତର ହୋଇ ପଡ଼ିଥିଲେ।ଗୁରୁତର ଯୁଗେଶ୍ୱର ଙ୍କୁ ଗାଁ ଲୋକେ ଆମୁଲାନ୍ସ ଯୋଗେ ଧର୍ମଗଡ ଡାକ୍ତର ଖାନାରେ ଭର୍ତ୍ତି କରିଥିଲେ। ତାଙ୍କ ସ୍ୱାସ୍ଥ୍ୟ ଅବସ୍ଥା ସଙ୍କଟ ଥିବା ସୂଚନା ମିଳିଛି। ଖବର ପାଇ କୋକସରା ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।