ଲକ୍ଷ୍ମୀପୁର ରେ ଓଡ଼ିଆ ବିଶ୍ବ ସାହିତ୍ୟ ସମ୍ମିଳନୀ-୨୦୨୪ ଅନୁଷ୍ଠିତ ,ମିଳିଲା ନାହିଁ ମାନପତ୍ର , କୃତି ପ୍ରତିଯୋଗି ଅସନ୍ତୁଷ୍ଟ.
ଲକ୍ଷ୍ମୀପୁର , ୩।୨ : ଓଡ଼ିଆ ବିଶ୍ବ ସାହିତ୍ୟ ସମ୍ମିଳନୀ
କୋରାପୁଟ ଜିଲା ଲକ୍ଷ୍ମୀପୁର ବ୍ଲକରେ ପାଳିତ ହୋଇଯାଇଛି । ଏହି ଅବସରରେ ଏକ ସ୍ୱତନ୍ତ୍ର କାର୍ଯକ୍ରମ ଅନୁଷ୍ଠିତ ହୋଇଥିଲା । ଏଥିରେ ସ୍ଥାନୀୟ ନେତୃବୃନ୍ଦଙ୍କ ସହିତ ସାହିତ୍ୟକ, ସାମ୍ବାଦିକ , ଶିକ୍ଷକ ଏବଂ ଶିକ୍ଷାବିତ୍ ଯୋଗଦେଇ ସରକାରଙ୍କ ଏଭଳି ଏକ ମହତ କାର୍ଯ୍ୟ କୁ ପ୍ରଶଂସା କରିଥିଲେ ।କାର୍ଯ୍ୟକ୍ରମ ରେ ଅନେକ ବିଦ୍ୟାଳୟରେ ଅନୁଷ୍ଠିତ ବିଭିନ୍ନ ପ୍ରତିଯୋଗିତାରେ କୃତିତ୍ବ ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା । କେତେକ ବିଦ୍ୟାଳୟର ଛାତ୍ରୀ ମାନଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ।ତେବେ ଆଶ୍ଚର୍ଯ୍ୟର କଥା କୃତି ପ୍ରତିଯୋଗୀଙ୍କୁ କେବଳ ଏକ କପ୍ ପ୍ରଦାନ କରାଯାଇ ସେମାନଙ୍କୁ ସନ୍ତୁଷ୍ଟ ହେବାରେ ସୀମିତ ରଖାଯାଇଥିଲା । ଆୟୋଜକ ମାନଙ୍କ ଆନ୍ତରିକତାର ଅଭାବ କାରଣରୁ କୃତି ପ୍ରତିଯୋଗୀମାନଙ୍କୁ ମାନପତ୍ର ଟିଏ ମଧ୍ଯ ପ୍ରଦାନ କରା ଗଲା ନାହିଁ,ଯେଉଁଥିପାଇଁ ଏଠାରେ ଗୁଞ୍ଜରଣ ସୃଷ୍ଟି ହୋଇଥିଲା । ସରକାର ଭାଷା ପାଇଁ ଉତ୍ସାହର ସହିତ ଲକ୍ଷ ଲକ୍ଷ ଟଙ୍କା ବ୍ୟୟ କରି ଏଭଳି କାର୍ଯ୍ୟ କ୍ରମ କରୁଥିବା ବେଳେ ପ୍ରମାଣପତ୍ର କିମ୍ବା ମାନପତ୍ର ଖଣ୍ଡେ ପାଇଥିଲେ ପିଲାଏ ତାହାକୁ ସାଇତି ରଖିଥାନ୍ତେ ବୋଲି ଆଲୋଚନା ହୋଇଥିଲା । ସେହିପରି ଏହି କାର୍ଯ୍ୟକ୍ରମରେ ଲୋକ ମାନଙ୍କୁ ଯେଉଁଭଳି ସାମିଲ କରାଯିବା କଥା ତାହା କରା ଯାଇନଥିବା କାରଣରୁ ଲୋକଙ୍କ ମାନଙ୍କ ସେଭଳି ଉପସ୍ଥିତ ଦେଖିବାକୁ ମିଳି ନଥିଲା । ଗୋଷ୍ଠୀ ଊନ୍ନୟନ ଅଧିକାରୀ ନିର୍ବାଚନ ତାଲିମ ପାଇଁ ଯାଇଥିବା କାରଣରୁ ପଞ୍ଚାୟତ ସମ୍ପ୍ରସାରଣ ଅଧିକାରୀଙ୍କ ତତ୍ତ୍ଵାବଧାନରେ ଏହା ସମ୍ପାଦିତ ହୋଇଥିଲା ।ବ୍ଲକ ଅଧ୍ୟକ୍ଷା, ଉପାଧକ୍ଷା, ସରପଞ୍ଚ ଙ୍କ ସମେତ ଶିକ୍ଷକ ଶିକ୍ଷୟତ୍ରୀ ଛାତ୍ରଛାତ୍ରୀ ଉପସ୍ଥିତ ରହିଥିଲେ।
