ପ୍ରଜ୍ଞା ପଟ୍ଟନାୟକ

10/04/2023 at 3:10 PM

ଭୁବନେଶ୍ବର: ବଢୁଛି ତାତି। ଆଜି ସକାଳ ୧୧.୩୦ ସୁଦ୍ଧା ରାଜଧାନୀ ଭୁବନେଶ୍ବର ସବୁଠୁ ଉତ୍ତପ୍ତ ସହର ହୋଇଛି। କେବଳ ଭୁବନେଶ୍ବର ନୁହେଁ କଟକରେ ମଧ୍ୟ ପ୍ରବଳ ଗରମ ଅନୁଭୂତ ହୋଇଥିବା ଜଣାପଡ଼ିଛି। ଆଗାମୀ ସପ୍ତାହରେ ମଧ୍ୟ ତାତିର ପ୍ରଭାବ ଜାରି ରହିବ। ଟ୍ବିନ୍‌ ସିଟିରେ ୪୦ ଡିଗ୍ରୀ ଛୁଇଁବ ତାପମାତ୍ରା। ଆଜି କଟକ ଓ ଭୁବନେଶ୍ବର ତାପମାତ୍ରା ୩୭.୨ ଡିଗ୍ରୀ ରହିଥିବା ବେଳେ ଚାନ୍ଦବାଲିରେ ୩୭, ବାଲେଶ୍ବର ଓ ସମ୍ବଲପୁରରେ ୩୬ ଡିଗ୍ରୀ ରେକର୍ଡ ହୋଇଛି।

ସେହିପରୀ ହୀରାକୁଦରେ ୩୫.୪ ଡିଗ୍ରୀ ରେକର୍ଡ ହୋଇଥିବା ବେଳେ କେନ୍ଦୁଝରରେ ୩୫ ଡିଗ୍ରୀ, ଗୋପାଳପୁରରେ ୩୫ ଡିଗ୍ରୀ, ପୁରୀରେ ୩୪ ଡିଗ୍ରୀ ଓ ପାରାଦ୍ବୀପରେ ୩୨.୮ ଦିନ ତାପମାତ୍ରା ରେକର୍ଡ କରାଯାଇଛି।