ପ୍ରଜ୍ଞା ପଟ୍ଟନାୟକ10/04/2023 at 3:41 PM
ଭୁବନେଶ୍ବର: ଓଡ଼ିଶାରେ ଖୁବ୍ ଶୀଘ୍ର ଚାଲିପାରେ ବନ୍ଦେ ଭାରତ ଏକ୍ସପ୍ରେସ୍ । ସୂଚନା ଅନୁସାରେ ପୁରୀ-ହାୱଡ଼ା ମଧ୍ୟରେ ଏହି ଅତ୍ୟାଧୁନିକ ସେମି ହାଇସ୍ପିଡ ଟ୍ରେନ୍ ଖୁବ ଶୀଘ୍ର ଚଳାଚଳ କରିବ । ପୁରୀ-ହାୱଡ଼ା ବନ୍ଦେ ଭାରତ ଏକ୍ସପ୍ରେସ୍ର ସପ୍ତାହକୁ ତିନି ଥର ଗଡିବା ନେଇ ସମ୍ଭାବନା ରହିଛି।
ଟ୍ରେନ୍ରେ ଯାତ୍ରା ସମୟ ପ୍ରାୟ ୫ ଘଣ୍ଟା ୩୦ ମିନିଟ୍ ରହିବ। ଏହି ଟ୍ରେନ୍ ଭୁବନେଶ୍ୱର, କଟକ ଓ ଖଡ଼ଗପୁର ଷ୍ଟେସନରେ ରହିବ। ସୂଚନା ଅନୁସାରେ ଏହି ଟ୍ରେନ୍ ପୁରୀରୁ ଅପରାହ୍ନ ୨ଟାରେ ଯାତ୍ରା ଆରମ୍ଭ କରି ସଂଧ୍ୟା ୬.୧୭ରେ ହାୱଡ଼ାରେ ପହଞ୍ଚିବ। ପ୍ରତି ଷ୍ଟେସନ୍ରେ ଟ୍ରେନଟି ୫ ମିନିଟ ରହିବ। ତେବେ ଏହି ସମୟ ସାରଣୀରେ କିଛି ପରିବର୍ତ୍ତନ ହୋଇପାରେ। ଚୂଡ଼ାନ୍ତ ତାଲିକା ବାହାର କରିବା ଉପରେ ରେଳ ବିଭାଗ କାମ କରୁଛି ।
ସୂଚନାଯୋଗ୍ୟ, ୨୦୨୧ ଅଗଷ୍ଟରେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଭୁବନେଶ୍ୱର ଗସ୍ତରେ ଆସିଥିବା ସମୟରେ ପୁରୀ-ହାୱଡ଼ା ବନ୍ଦେ ଭାରତ ଏକ୍ସପ୍ରେସ୍ ଚଳାଚଳ କରିବା ନେଇ ଘୋଷଣା କରିଥିଲେ।