ଖଇରମାଳ ରାମଲୀଳା ମହୋତ୍ସବ 54 ବର୍ଷ ରେ ପଦାର୍ପଣ

ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଖଇରମାଲ ଗ୍ରାମରେ ରାମଲୀଳା ମହୋତ୍ସବ 54 ବର୍ଷ ଧରି ଚାଲିଥିବା ବେଳେ ଏହା ଶ୍ରୀ ରାମ ନବମୀ ଠାରୁ ଆରମ୍ଭ ହୋଇ 14 ଦିନ ଧରି ଅନୁଷ୍ଠିତ ହେବ I ଗ୍ରାମର ରଘୁନାଥ ନାଟ୍ୟ ସଂସଦ ଏହାର ଆୟୋଜକ ଏବଂ ଶତାଧିକ ବ୍ରତଧାରୀ ଶ୍ରୀ ରାମ ଙ୍କ ଭକ୍ତ ତଥା ରାମ ଲୀଳା ରେ ସମ୍ପୃକ୍ତ I ଏକ ଆଧ୍ୟାତ୍ମିକ ପରିବେଶ ମଧ୍ୟରେ ଗ୍ରାମବାସୀ ସଂକଳ୍ପ କରି ବ୍ରତ ପାଳନ କରୁଛନ୍ତି I ଆରମ୍ଭରୁ ପ୍ରତିଦିନ ରାତିରେ ନାଟକ ମାଧ୍ୟମରେ ରାମ ଜନ୍ମ , ସୀତା ବିବାହ , ରାମ ବନବାସ , ସୀତା ଚୋରୀ , ସୀତା ଠାବ, ବାଳି ବଧ , ଇନ୍ଦ୍ରଜିତ ବଧ ଆଦି ଲୀଳା ନାଟକ ପରିବେଷଣ କରାଯାଏ I ଇନ୍ଦ୍ରମଣି ବଗର୍ତ୍ତୀ , ଧରଣୀଧର ବିଶି , ଗଣ୍ଡା ରାମ ବିଶି , ସନ୍ତୋଷ ବିଶି , ପଞ୍ଚାନନ ଖେତି ପ୍ରମୁଖ ଶ୍ରୀରାମ , ଲକ୍ଷ୍ମଣ , ସୀତା , ରାବଣ ଆଦି ମୁଖ୍ୟ ଭୂମିକାରେ ଅଭିନୟ କରିଥିବା ଜଣାପଡିଛି I