ସୌମିତ୍ରି ମେହେର

14/05/2024 at 10:02 AM

ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା କଂଗ୍ରେସ ର କାର୍ଯ୍ୟକାରି ସଭାପତି ଭାବେ ଲବ କୁମାର ସାହୁ ଙ୍କୁ ଦଳ ନିଯୁକ୍ତି ଦେଇଛି l ଓଡିଶା ପ୍ରଦେଶ କଂଗ୍ରେସ କମିଟି ସଭାପତି ଶରତ ପଟ୍ଟନାୟକ ଶ୍ରୀ ସାହୁ ଙ୍କୁ ଏହି ଦାୟିତ୍ବ ପ୍ରଦାନ କରିଛନ୍ତି l ସେ କଂଗ୍ରେସ ଜିଲ୍ଲା ପରିଷଦ ସଭ୍ୟ ଭାବେ ସୁବର୍ଣ୍ଣ ପୁର ଜିଲ୍ଲାର ଏକ ମାତ୍ର ସଭ୍ୟ ଥିବାବେଳେ ତାଙ୍କ ବାପା ବୈରାଗୀ ଚରଣ ସାହୁ ବୀରମହାରାଜପୁର ବ୍ଲକ କଂଗ୍ରେସ କମିଟି ସଭାପତି ଭାବେ ପୂର୍ବରୁ ରହିଥିଲେ I ଲବ ମଧ୍ୟ ଛାତ୍ର ଅବସ୍ଥାରୁ କଂଗ୍ରେସର ଜଣେ ଶୃଙ୍ଖଳିତ କର୍ମୀ ଭାବେ ପରିଚିତ ଅଛନ୍ତି I ସେ ଦୁଇଥର ମୁରୁଶୁଣ୍ଠୀ ପଞ୍ଚାୟତ ସରପଞ୍ଚ ଏବଂ 3 ଥର ସମବାୟ ସମିତି ର ସଭାପତି ଭାବେ ନିର୍ବାଚିତ ହୋଇଥିଲେ I ଲୁତୁରପଙ୍କ ପଞ୍ଚାୟତ ସମିତି ସଭ୍ୟ ଭାବେ ମଧ୍ୟ ନିର୍ବାଚିତ ହୋଇଥିଲେ l ସେ ଏବେ ରାଜୀବ ଗାନ୍ଧୀ ପଞ୍ଚାୟତି ରାଜ ସଂଗଠନର ଜିଲ୍ଲା ସଭାପତି ମଧ୍ୟ ରହିଛନ୍ତି I ସୂଚନା ଯେ ଦଳର ବରିଷ୍ଠ ନେତା ଗୌରି ଶ୍ଯାମ ପଣ୍ଡା ଗତ ଡିସେମ୍ବର ରେ କଂଗ୍ରେସ ଜିଲ୍ଲା ସଭାପତି ପଦରୁ ଇସ୍ତଫା ଦେଇଥିଲେ l ପରେ ପୂର୍ବତନ ସୋନପୁର ବିଧାୟକ ବିନୋଦ ପାତ୍ର ଙ୍କୁ ଜିଲ୍ଲା କଂଗ୍ରେସ କମିଟି କାର୍ଯ୍ୟକାରୀ ସଭାପତି ଭାବେ ଦାୟିତ୍ବ ଦିଆଯାଇଥିଲା I ହେଲେ ଟିକେଟ ବଣ୍ଟନକୁ ନେଇ ଅସନ୍ତୋଷ ପ୍ରକାଶ କରି ଶ୍ରୀ ପାତ୍ର ଦଳରୁ ଇସ୍ତଫା ଦେଇଥିଲେ l ଉକ୍ତ ସମୟରୁ ଜିଲ୍ଲା କଂଗ୍ରେସ କମିଟି ସଭାପତି ପଦ ଖାଲି ରହିଥିଲା l ଲବ ସାହୁ ଜିଲ୍ଲା କଂଗ୍ରେସ କମିଟି କାର୍ଯ୍ୟକାରୀ ସଭାପତି ଭାବେ ଦାୟିତ୍ବ ଗ୍ରହଣ କରିବା ପରେ ଜିଲ୍ଲା ର କଂଗ୍ରେସ କର୍ମକର୍ତ୍ତା ତଥା କର୍ମି ଙ୍କ ମହଲରେ ଆନନ୍ଦ ଉତ୍ସାହ ଖେଳିଯାଇଛି I