ସୌମିତ୍ରି ମେହେର16/06/2024 at 10:30 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସୁବଳୟା ସ୍ଥିତ ଗୋପାଳଜୀ ମଠର ୨ୟ ମଠାଧୀଶ ସୀତାରାମ ଜୀ ମହାରାଜଙ୍କର ଶନିବାର ବିଳମ୍ବିତ ରାତ୍ରୀରେ ପରଲୋକ ଘଟିଥିବା ଜଣାଯାଇଛି । ମୃତ୍ୟୁ ବେଳକୁ ତାଙ୍କୁ ପ୍ରାୟ ୭୦ ବର୍ଷ ହୋଇଥିଲା । ରବିବାର ମଧ୍ୟାହ୍ନ ସମୟରେ ବହୁ ସାଧୁସନ୍ଥ ଏବଂ ଶ୍ରଦ୍ଧାଳୁଙ୍କ ଗହଣରେ ନିକଟସ୍ଥ ମହାନଦୀ ପଠାରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି । ଏହା ପୂର୍ବରୁ ମଠାଧୀଶଙ୍କ ପାର୍ଥବ ଶରୀରକୁ ଏକ ଶୋଭାଯାତ୍ରାରେ ସୁବଳୟା ସହର ପରିକ୍ରମା କରାଯାଇଥିଲା । ମହନ୍ତ ଅଭିରାମ ଦାସ ମୁଖାଗ୍ନୀ ଦେଇଥିଲେ । ମଠାଧୀଶଙ୍କ ମହାପ୍ରlୟଣରେ ସମଗ୍ର ସୁବଳୟା ତଥା ଆଖପାଖ ଅଞ୍ଚଳରେ ଶୋକର ଛାୟl ଖେଳିଯାଇଛି। ସ୍ଥାନୀୟ ସରପଞ୍ଚ ପ୍ରମୋଦ କୁମାର ମହାପାତ୍ର ଙ୍କ ସହିତ ବହୁ ମାନ୍ୟଗଣ୍ୟ ବ୍ୟକ୍ତିବିଶେଷ ଶେଷକୃତ୍ୟ ସମୟରେ ଉପସ୍ଥିତ ଥିଲେ ।