ସୌମିତ୍ରି ମେହେର17/06/2024 at 7:34 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ ଅନ୍ତର୍ଗତ କୋଟସମଲାଏ ସ୍ଥିତ ପ୍ରସିଦ୍ଧ ପୀଠ ଶ୍ରୀ ପାତାଳୀ କ୍ଷେତ୍ରକୁ ଆଜି ଅପରାହ୍ନରେ ନବ ନିର୍ବାଚିତ ବିଧାୟକ ଇଂ ରଘୁନାଥ ଜଗଦଲା ପରିଦର୍ଶନ ରେ ଆସିଥିଲେ । ବିଧାୟକ ଶ୍ରୀ ଜଗଦଲା ଙ୍କୁ ତାଙ୍କ ଦଳୀୟ କର୍ମୀ ସ୍ଥାନିୟ ହନୁମାନ ଛକ ଠାରେ ସ୍ଵାଗତ ସର୍ମଦ୍ଧନା କରିଥିଲେ । ତା ପରେ ଗାଁ ପରିକ୍ରମା କରି ଜଗନ୍ନାଥ ମନ୍ଦିର , ମାହେଶ୍ୱରୀ ମନ୍ଦିର , ରଘୁନାଥ ମନ୍ଦିର ଆଦି ଯାଇ ଆର୍ଶିବାଦ ନେବା ପରେ ଗାଁ ରେ ଲୋକମାନଙ୍କ ସହ ସୁବିଧା ଅସୁବିଧା ସମ୍ପର୍କରେ ଆଲୋଚନା କରିଥିଲେ । ତାପରେ ପାତାଳୀ ଶ୍ରୀକ୍ଷେତ୍ର ପରିଦର୍ଶନ ରେ ଯାଇ ସେ ମହାପ୍ରଭୁ ଶ୍ରୀଜଗନ୍ନାଥଙ୍କ ଆର୍ଶିବାଦ ନେଇଥିଲେ । ତା ପରେ ଗାଁ ଲୋକଙ୍କ ସହ ଆଲୋଚନl କରିବା ସହ ଚଳିତ ବର୍ଷ ରଥଯାତ୍ରା କିଭଳି ଶାନ୍ତିଶୃଙ୍ଖଳା ସହ ଭଲଭାବରେ ହେବ ସେ ଉପରେ ବିଧାୟକ ଶ୍ରୀ ଜଗଦଲା ଆଲୋଚନା କରିଥିଲେ । ବିଧାୟକ ଶ୍ରୀ ଜଗଦଲା ଙ୍କ ସହିତ ବୀରମହାରାଜପୁର ପଞ୍ଚାୟତ ସମିତି ପୂର୍ବତନ ଅଧ୍ୟକ୍ଷ ବିବେକାନନ୍ଦ ପ୍ରଧାନ , ଉଲୁଣ୍ଡା ବ୍ଳକ ପୂର୍ବତନ ଅଧ୍ୟକ୍ଷ ରାଧାକାନ୍ତ ମହାକୁର ଙ୍କ ସହ ମେଟାକାନୀ ମଣ୍ଡଳ ସଭାପତି ଆଦିତ୍ୟ ପୁରୋହିତ , ବିଜେପି ନେତା ବଳରାମ ସୁନା ଆଦି ଅନେକ ଦଳୀୟ କର୍ମୀ ଯୋଗ ଦେଇଥିଲେ। ତାପରେ ଶେଷରେ ବୈଦ୍ଧିକ ମଣ୍ଡପ ରେ ଏକ ସଭା କରି ଲୋକଙ୍କୁ ଧନ୍ୟବାଦ ଦେବା ସହ ଅଞ୍ଚଳ ତଥା ପଞ୍ଚାୟତ ର ବିକାଶ , ପାତାଳୀ ଶ୍ରୀକ୍ଷେତ୍ର ର ବିକାଶ ଦିଗରେ କାର୍ଯ୍ୟ କରିବେ ବୋଲି କହିବା ସହ ବ୍ଳକ ଆଦି ବିଭିନ୍ନ ଅଫିସ ତଥା ଠିକା କାର୍ଯ୍ୟ ରେ ଦୁର୍ନୀତି, ଭ୍ରଷ୍ଟାଚାର ଆଦି ସବୁ ନିପାତ କରିବି ବୋଲି ପ୍ରତିଶୃତି ଦେଇଥିଲେ l