ସୌମିତ୍ରି ମେହେର19/06/2024 at 1:41 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସୁବଳୟା ଥାନା ଅନ୍ତର୍ଗତ ବଡ଼ଖମାର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ରୁ ମଧ୍ୟାହ୍ନ ଭୋଜନ ପାଇଁ ଥିବା ଚାଉଳ ଚୋରି ହୋଇଥିବା ଅଭିଯୋଗ ହୋଇଛି। ସୋମବାର ଉକ୍ତ ବିଦ୍ୟାଳୟ ର ପ୍ରଧାନ ଶିକ୍ଷକ ରାସବିହାରୀ ମେହେର ଶ୍ରେଣୀ ଗୃହ ସଫେଇ ପାଇଁ ଆସିଥିଲେ । ଏହି ସମୟରେ ଗୁଦାମ ଗୃହରୁ ତାଲା କାଟି ମଧ୍ୟାହ୍ନ ଭୋଜନ ପାଇଁ ଥିବା ୬ କୁଇଣ୍ଟାଲ ୧୩ କେଜି ଚାଉଳ କୈାଣସି ଦୁର୍ବୁତ ଚୋରି କରି ନେଇଥିବା ଜାଣିବାକୁ ପାଇଥିଲେ । ଘଟଣା ସମ୍ପର୍କରେ ଖବର ପାଇ ପରିଚାଳନା କମିଟିର ସମସ୍ତ ସଦସ୍ୟ ଙ୍କ ଉପସ୍ଥିତିରେ ଉକ୍ତ ଗୋଦାମ ଗୃହ ଯାଞ୍ଚ କରାଯାଇଥିଲା । ଏନେଇ ପ୍ରଧାନ ଶିକ୍ଷକ ସୁବଳୟା ଥାନା ରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ଅନୁଯାୟୀ ଥାନାରେ ଏକ ମାମଲା ରୁଜୁ କରି ଅଧିକ ତଦନ୍ତ ଜାରି ରହିଥିବା ଜଣାଯାଇଛି।