ସୌମିତ୍ରି ମେହେର3/07/2024 at 8:55 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ କୋଟସମଲାଇ ହାଇସ୍କୁଲ ରେ ବନମୋତ୍ସବ ସପ୍ତାହ ଉଦଘାଟିତ ହୋଇଯାଇଛି । ଉଦଘାଟନୀ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ମୋ ସ୍କୁଲ ଅଭିଯାନ ର ସଭାପତି ନଳିନୀ କାନ୍ତ ବାଘ ଯୋଗଦେଇ ବୃକ୍ଷ ରୋପଣ କରିବାକୁ ଉତ୍ସାହିତ କରିଥିଲେ । କାର୍ଯ୍ୟକ୍ରମ କୁ ଅନିରୁଦ୍ଧ ପାଢ଼ୀ ପରିଚାଳନା କରିଥିବା ବେଳେ ପ୍ରଧାନ ଶିକ୍ଷୟିତ୍ରୀ ଶୋଭାସିନୀ ମିଶ୍ର ସଭାପତିତ୍ୱ କରିଥିଲେ । ସପ୍ତାହେ ପର୍ଯ୍ୟନ୍ତ ବୃକ୍ଷ ରୋପଣ , ପରିବେଶ ସୁରକ୍ଷା , ଶକ୍ତି ସଂରକ୍ଷଣ ଆଦି ପ୍ରସଙ୍ଗ ରେ ଛାତ୍ର ଛାତ୍ରୀଙ୍କୁ ସଚେତନତା କରାଯିବାର କାର୍ଯ୍ୟକ୍ରମ ଅଛି । ସମସ୍ତ କର୍ମଚାରୀ ଓ ଛାତ୍ରଛାତ୍ରୀ ସରକାରଙ୍କ ପ୍ରଦତ୍ତ ସବୁଜ ଶପଥ କୁ ପାଠ କରିଥିଲେ । ଶିକ୍ଷକ ତଥା ପରିବେଶ ପ୍ରେମୀ ଶଙ୍ଖସିନ୍ଧୁ ପୁରୋହିତ ସମ୍ପ୍ରତି ପରିବେଶ ରେ ତାଲଗଛ ର ଉପଦେୟତା ବିଷୟରେ ସଚେତନ କରାଇଥିଲେ । କାର୍ଯ୍ୟକ୍ରମରେ ଶିକ୍ଷକ ପ୍ରଫୁଲ୍ଲ ସାହୁ , ଜ୍ଞାନପ୍ରକାଶ ଟପନୋ , ସାନ ଡାଙ୍ଗ ସମେତ ବିଦ୍ୟାଳୟ ର କର୍ମଚାରୀ ଓ ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ।