ମହେନ୍ଦ୍ର କୁମାର ସାଇ18/08/2024 at 12:23 PM
ଝାରସୁଗୁଡା ୧୮/୮ (ଓଡ଼ିଶା ନ୍ୟୁଜ) ଝାରସୁଗୁଡା ଜିଲ୍ଲା ଲଖନପୁର ବ୍ଲକ କଦମଡ଼ିହି ପଞ୍ଚାୟତ ଗୋବିନ୍ଦପୁର ବୃଦ୍ଧାଶ୍ରମରେ ୭୮ ତମ ସ୍ବାଧୀନତା ଦିବସ ମହା ଆଡମ୍ବରରେ ସହକାରେ ଅନ୍ତେବାସୀ ପାଳନ କରିଛନ୍ତି । ପିପୁଲ୍ସ ଫୋରମ ପଶ୍ଚିମ ଓଡ଼ିଶାର ଉପ ସଭାପତି ସଞ୍ଜୟ ଜେଠିଙ୍କ ତତ୍ତ୍ୱାବଧାନରେ ପରିଚାଳିତ ଗୋବିନ୍ଦପୁର ବୃଦ୍ଧାଶ୍ରମର ମୁଖ୍ୟ ଗଣେଶ ଚନ୍ଦ୍ର ବଳିୟାର ସିଂହ ଅଧ୍ଯକ୍ଷତା କରିଥିଲେ । କଦମଡିହି କେନ୍ଦୁପତ୍ର ବିଭାଗ ବନାଞ୍ଚଳ ଅଧିକାରୀ ମଧୁମିତା ଜେନା ମୁଖ୍ୟ ଅତିଥି ଭାବରେ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ । ଅନ୍ୟ ନିମନ୍ତ୍ରିତ ଅତିଥିଙ୍କ ମଧ୍ୟରେ ବନାଞ୍ଚଳ ସହଯୋଗୀ ଅଧିକାରୀ ତସିଲ କୁମାର ବେହେରା, ଲଖନପୁର ବ୍ଳକ ପୂର୍ବତନ ଉପାଧ୍ଯକ୍ଷ ତୁଷାରାମ ପ୍ରଧାନଙ୍କ ସମେତ ଗୋବିନ୍ଦପୁର ବୃଦ୍ଧାଶ୍ରମର ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ । ଗୋବିନ୍ଦପୁର ବୃଦ୍ଧାଶ୍ରମ ମୁଖ୍ୟ ପରିଚାଳକ ଶ୍ରୀ ବଳିୟାର ସିଂହ ଧନ୍ୟବାଦ ଅର୍ପଣ କରିଥିଲେ। ଶେଷରେ ମିଷ୍ଟାନ୍ନ ଓ ସୁସ୍ଵାଦୁ ବ୍ୟଞ୍ଜନ ପ୍ରସ୍ତୁତ କରାଯାଇ ଅନ୍ତେବାସୀଙ୍କୁ ଆପ୍ୟାୟିତ କରା ଯାଇଥିଲା।