ଓଡ଼ିଶା ଡଟ୍ ନ୍ୟୁଜ୍26/08/2024 at 1:21 PM
ସୋନପୁର: ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅନ୍ତର୍ଗତ ଗଣେଶପୁର ଗାଁ ନିକଟରେ ଦୁର୍ଘଟଣା । ବୋଲେରୋ ଧକ୍କାରେ ଜଣେ ବାଇକ ଚାଳକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ଆହତ ବ୍ୟକ୍ତିଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଦୁର୍ଘଟଣା ପରେ ବୋଲେରୋ ସହ ଡ୍ରାଇଭର ଫେରାର ହୋଇଯାଇଛି । ଗତକାଲି ରାତିରେ ଏହି ଦୁର୍ଘଟଣା ଘଟିଛି ।
ମୃତ ବ୍ୟକ୍ତି ଜଣଙ୍କ ହେଲେ ବୁର୍ଲା ଥାନା ଘୁଡକାଟିକ୍ରା ଗାଁର ଟଙ୍କଧର ନାଏକ । ଆହତ ବ୍ୟକ୍ତି ଜଣଙ୍କ ହେଲେ ବରଗଡ ଜିଲ୍ଲା ଭାଙ୍ଗକୁଦ ଗାଁର ସୁଶାନ୍ତ ଜଗଦଲା । ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି ।