ସୌମିତ୍ରି ମେହେର21/09/2024 at 5:46 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ପିତାମହୁଲ ଉନ୍ନୀତ ଉଚ୍ଚ ବିଦ୍ୟାଳୟ ରେ ଆଜି ବ୍ଲକ ସ୍ତରୀୟ ହାଇସ୍କୁଲ ପ୍ରଧାନ ଶିକ୍ଷକ ଙ୍କ ଦଶମ ମାସିକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ଶନିବାର ଶ୍ରୀ ଗଜାନନ ଙ୍କ ଠାରେ ପୂଜାର୍ଚ୍ଚନା ପୂର୍ବକ କାର୍ଯକ୍ରମ କୁ ନୋଡାଲ ପ୍ରଧାନ ଶିକ୍ଷକ ନିରଞ୍ଜନ ଦାଶ ପରିଚାଳନା କରିଥିଲେ । ଏଥିରେ ୟୁଡ଼ାଇସ ପ୍ଲସ , ଆକାଂକ୍ଷି ପାଠ୍ୟକ୍ରମ , ଖାନ୍ ଏକାଡେମୀ , ମୌଳିକ ଭାଷା ଓ ସଂଖ୍ୟା ଜ୍ଞାନ , ଉତ୍କର୍ଷ କାର୍ଯ୍ୟକ୍ରମ , ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ବିଷୟରେ ଆଲୋଚନା ହୋଇଥିଲା । ତାପରେ ସମସ୍ତ ପ୍ରଧାନ ଶିକ୍ଷକ/ଶିକ୍ଷୟିତ୍ରୀ ବିଦ୍ୟାଳୟ ର ଶ୍ରେଣୀ ଗୃହ , ବିଜ୍ଞାନାଗାର , ଲାଇବ୍ରେରୀ ପରିଦର୍ଶନ କରିବା ସହ ତାହାର ସୁପରିଚାଳନା ନିମନ୍ତେ ନିଜସ୍ଵ ମତାମତ ଦେଇଥିଲେ । ଏହି ଅବସରରେ ଚଳିତମାସ ସେବା ନିବୃତ୍ତ ହେବାକୁଥିବା ଇନ୍ଦିରା ଗାନ୍ଧୀ ଉଚ୍ଚ ବିଦ୍ୟାଳୟ, ଖଣ୍ଡହତା ର ପ୍ରଧାନଶିକ୍ଷକ ଆଖୋଜ ପଧାନ ଓ ବାଗବର୍ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ଅଞ୍ଜୁଲତା ମିଶ୍ର ଙ୍କୁ ସମ୍ବର୍ଦ୍ଧିତ କରାଯାଇଥିଲା । ଶେଷରେ ଆୟୋଜକ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ମଞ୍ଜୁଲତା ଜଗଦଲl ଧନ୍ୟବାଦ୍ ଅର୍ପଣ କରିଥିଲେ ।