ଓଡ଼ିଶା ଡଟ୍ ନ୍ୟୁଜ୍

27/09/2024 at 12:43 PM

ଖଣ୍ଡପଡା: ଆଜି ଖଣ୍ଡପଡା ଏନଏସି ଅଧ୍ୟକ୍ଷାଙ୍କ ଭାଗ୍ୟ ପରୀକ୍ଷା । କାରଣ ଆଜି ତାଙ୍କ ବିରୋଧରେ ଆସିଥିବା ଅନାସ୍ଥା ପ୍ରସ୍ତାବ ଉପରେ ଭୋଟ ହେବାକୁ ଯାଉଛି । ଅନାସ୍ଥା ଭୋଟ ୧୭ ତାରିଖରେ ଅନୁଷ୍ଠିତ ହେବାର ଥିଲା । ତେବେ ସେଦିନ ନିର୍ବାଚନ ଅଧିକାରୀ ଅନୁପସ୍ଥିତ ରହିବାରୁ ଏହାକୁ ସ୍ଥଗିତ ରଖି ଆଜି ପାଇଁ ତାରିଖ ଘୋଷଣା କରିଥିଲେ ଜିଲ୍ଲାପାଳ ।

ଅନାସ୍ଥା ଭୋଟକୁ ନେଇ ସରଗରମ ହୋଇଛି ରାଜନୀତି । ଗତ ନିର୍ବାଚନରେ ଖଣ୍ଡପଡ଼ା ଏନଏସିର ମୋଟ ୧୩ଟି ୱାର୍ଡ ଭିତରୁ ବିଜେଡିର ୮, ବିଜେପିରୁ ଜଣେ ଏବଂ ୪ ଜଣ ସ୍ବାଧୀନ କାଉନସିଲର ଜିତିଥିଲେ । ଏନଏସି ଅଧ୍ୟକ୍ଷା ଆରତୀ ପ୍ରଧାନ କାଉନସିଲରମାନଙ୍କୁ ଅଣଦେଖା କରିବା ସହ ବିଭିନ୍ନ ଅନିୟମିତତା କରୁଥିବା ଅଭିଯୋଗରେ ଅନାସ୍ଥା ପ୍ରସ୍ତାବ ପାଇଁ ଗତ ଅଗଷ୍ଟ ୧ ତାରିଖରେ ନୟାଗଡ଼ ଜିଲ୍ଲାପାଳଙ୍କ ପାଖରେ ଫେରାଦ ହୋଇଥିଲେ ଉପାଧ୍ୟକ୍ଷ ମିହିର ମିଶ୍ରଙ୍କ ସମେତ ୮ ଜଣ କାଉନସିଲର । ସେପ୍ଟେମ୍ବର ୧୭ରେ ଏନ୍ଏସିରେ ଅନାସ୍ଥା ଭୋଟ୍ କରାଯିବ ବୋଲି ସତ୍ୟପାଠ ଦାଖଲ କରିଥିଲା ନୟାଗଡ଼ ଜିଲ୍ଲା ପ୍ରଶାସନ ।