ସୌମିତ୍ରି ମେହେର15/10/2024 at 7:08 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କଳାପଥର ପଞ୍ଚାୟତ ଅନ୍ତର୍ଗତ ପ୍ରଧାନପାଲି ସ୍ଥିତ ନୃସିଂହ ନାଥ ପିଠ (ନୃସିଂହ ଖମନ) ରେ ସୁବର୍ଣ୍ଣ ଭୂମି ଚଷା ସାମାଜ ର ମଣ୍ଡଳ ସ୍ତରୀୟ ବୈଠକ ଅନୁଷ୍ଠିତ ହୋଇ ନୂତନ କର୍ମକର୍ତ୍ତା ଚୟନ କରାଯାଉଛି I ଚଷା ସମାଜର ପୂର୍ବତନ ସଭାପତି ପଦ୍ମନାଭ ପ୍ରଧାନଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ଯକ୍ରମରେ ଅଞ୍ଚଳର ବିଭିନ୍ନ ଗ୍ରାମରୁ ଚଷା ସମାଜ ର ଶତାଧିକ କର୍ମକର୍ତ୍ତା ଙ୍କ ସମାଗମ ହୋଇଥିଲା l ସଭା ଆରମ୍ଭରେ ସାମାଜ ର ଇଷ୍ଟଦେବୀ ରନେଶ୍ୱର ରାମଚଣ୍ଡି ଙ୍କ ପୂଜାର୍ଚ୍ଚନା କରାଯାଇଥିଲା l ସଞ୍ଜୀବ ପ୍ରଧାନ ସ୍ଵାଗତ ଭାଷଣ ଦେଇଥିଲେ I ଏ ଅବସରରେ ସର୍ବ ସମ୍ମତି କ୍ରମେ ଉମେଶ ପ୍ରଧାନ ଙ୍କୁ ସଭାପତି ଭାବେ ଚୟନ କରାଯାଇଥିବା ବେଳେ ଶୁଭେନ୍ଦୁ କୁମାର ପ୍ରଧାନ କୁ ସାଧାରଣ ସମ୍ପାଦକ ଭାବେ ମନୋନୀତ କରାଯାଇଛି I ସେହିପରି ବୀରମହାରାଜପୁର ବ୍ଲକ ପାଇଁ ପିତାମ୍ବର ସାହୁ , ଉଲୁଣ୍ଡା ବ୍ଲକ ସତ୍ୟ ନାରାୟଣ ପ୍ରଧାନ ଏବଂ ସୋନପୁର, ବିନିକା ଓ କଣ୍ଟାମାଳ ବ୍ଲକ ପାଇଁ ସରୋଜ କୁମାର ପ୍ରଧାନ ଙ୍କୁ ବ୍ଲକ ସଂଯୋଜକ ଭାବେ ଚୟନ କରାଯାଇଛି I ଏ ପରିପ୍ରେକ୍ଷୀରେ ସୁବର୍ଣ୍ଣଭୂମି ଚଷା ସାମାଜ ନାମରେ ଏକ ଟ୍ରଷ୍ଟ ଗଠିତ ହୋଇଛି l