ସନତ କୁମାର ପ୍ରାଧନୀ22/11/2024 at 1:51 PM
କଳାହାଣ୍ଡି;୨୨/୧୧
ରିପୋର୍ଟ—ସନତ ପ୍ରଧାନୀ
ଆସନ୍ତା ରବି ଚାଷ ପାଇଁ ଇନ୍ଦ୍ରାବତୀ ବହୁମୁଖୀ ପ୍ରକଳ୍ପ ରୁ ଜଳ ସେଚନ ବନ୍ଦ ରହିବା ନେଇ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇବା ପରେ ଚାଷୀଙ୍କ ମଧ୍ୟରେ କ୍ଷୋଭ ପ୍ରକାଶ ପାଇବା ସହ ଆନ୍ଦୋଳନ ର ଦାନା ବାନ୍ଧିଛି। ଚାଷୀ ନେତା,ଚାଷୀ, ଜନ ପ୍ରତିନିଧି ମାନେ ବିଭିନ୍ନ ପର୍ଯ୍ୟାୟରେ ଜଳସେଚନ ପାଇଁ ଉପ ଜିଲ୍ଲାପାଳ ଧର୍ମଗଡ ଓ ବିଧାୟକ ଧର୍ମଗଡ ସୁଧୀର ରଞ୍ଜନ ପାଟ୍ଟଯୋଶୀ ଙ୍କ ସହ ଆଲୋଚନା କରିବା ସହ ଦାବିପତ୍ର ପ୍ରଦାନ କରିଥିଲେ।ଗତକାଲି ଧର୍ମଗଡ ଠାରେ ରାସ୍ତା ଚାଷୀନେତା ଓ ଚାଷୀ ମାନେ ରାସ୍ତା ଅବରୋଧ ମଧ୍ୟ କରିଥିବା ବେଳେ ଉପ ଜିଲ୍ଲାପାଳ ଙ୍କ ହସ୍ତକ୍ଷେପ ଓ ପ୍ରତିଶ୍ରୁତି ପରେ ଚାଷୀ ମାନେ ରାସ୍ତା ଅବରୋଧ ରୁ ହଟିଥିଲେ।ପରେ ଅପରାହ୍ନ ସମୟରେ ଧର୍ମଗଡ ବ୍ଲକ ସଭାଗୃହ ଠାରେ ଧର୍ମଗଡ ଉପଜିଲ୍ଲାପାଳ ଙ୍କ ଅଧ୍ୟକ୍ଷତା ରେ ଏକ ବୈଠକ ଅନୁଷ୍ଠିତ ହୋଇଥିଲା । ଏଥିରେ ଧର୍ମଗଡ ଉପଖଣ୍ଡ ର ଧର୍ମଗଡ, କୋକସରା,ଗୋଲାମୁଣ୍ଡା, ଜୟପାଟଣା, ଜୁନାଗଡ଼, କଲମୁପୁର ବ୍ଲକ ର ଚାଷୀନେତା,ଜନ ପ୍ରତିନିଧି ଓ ଚାଷୀ ନଙ୍କ ସହିତ ରବି ଚାଷ ପାଇଁ ବାମ କେନାଲ, ମେଗାଲିଫ୍ଟ କେନାଲ ପାଣି ଯୋଗାଣ ସମ୍ପର୍କ ରେ ଆଲୋଚନା କରାଯାଇଛି ମ ଧର୍ମଗଡ ଉପଜିଲ୍ଲାପାଳ ଧିମାନ ଚକମା ବୈଠକ ରେ ଲେଫ୍ଟ କେନାଲ ଅଧିକ୍ଷଣ ଯନ୍ତ୍ରୀ ରାଜକୁମାର ବେହେରା, ରାଇଟ କେନାଲ ଅଧିକ୍ଷଣ ଯନ୍ତ୍ରୀ ତୃପ୍ତ କୁମାର ପାତ୍ର, ଲିପ୍ଟ କେନାଲ ନିର୍ବାହୀ ଯନ୍ତ୍ରୀ ପ୍ରଣୟ କୁମାର ପ୍ରଧାନ, ଧର୍ମଗଡ ନିର୍ବାହୀ ଯନ୍ତ୍ରୀ ଅକ୍ଷୟ କୁମାର ଭୋଇ, ଏସଡିଓ କୁନ୍ଦନ ମେହେର, ଏସଡିଓ ଭାଗିରଥି ପଣ୍ଡା, ଜୁନାଗଡ଼ ବିଡ଼ିଓ ଦେବାଶିଷ କର, ଗୋଲାମୁଣ୍ଡା ତହସିଲଦାର ଚନ୍ଦନ କୁମାର ନାୟକ, କୋକସରା ତହସିଲଦାର ନବୀନ କିଶୋର ପାଢ଼ୀ, ଧର୍ମଗଡ ଅତିରିକ୍ତ ତହସିଲଦାର ଅଜିତ କୁମାର ମହନ୍ତ, କଳମପୁର ବିଡ଼ିଓ ବିଜୟ କୁମାର ମାଡାଙ୍ଗୀ, ରେଭିନ୍ୟୁ ସୁପରଭାଇଜର ଜୁନାଗଡ଼ ତହସିଲ ସୁଷମା ମେହେର ସମେତ କୋକସରା ସଚେତନ କୃଷକ ମଞ୍ଚ ଚାଷୀନେତା ଶିବ ପ୍ରଧାନୀ, ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ, କୋକସରା ସରପଞ୍ଚ କିଶୋର ଚନ୍ଦ୍ର ପ୍ରଧାନୀ ସମେତ ଉପଖଣ୍ଡ ର ଅନେକ ଅଧିକାରୀ ଓ ଚାଷୀ ମାନେ ଉପସ୍ଥିତ ଥିଲେ। ତେବେ ଚାଷୀ ଙ୍କ ସହ ଆଲୋଚନା ପରେ ଇନ୍ଦ୍ରାବତୀ ଜଳଭଣ୍ଡାର ର ବାସ୍ତବିକ ସ୍ଥିତି ଅନୁଧ୍ୟାନ ଓ ତର୍ଜମା ପରେ ଜଳସେଚନ ଯୋଗାଣ ନେଇ ନିଷ୍ପତ୍ତି ନିଆଯିବ ବୋଳି ପ୍ରଶାସନିକ ଅଧିକାରୀ ସୂଚନା ଦେଇଥିବା ଜଣାପଡିଛି।