ଓଡ଼ିଶା ଡଟ୍ ନ୍ୟୁଜ୍12/12/2024 at 11:53 AM
ବାରିପଦା: ବନ୍ଧୁକ ମୁନରେ ଦୋକାନୀଙ୍କଠାରୁ ୮୦ ହଜାର ଟଙ୍କା ଡକାୟତି । ମୟୂରଭଞ୍ଜ ଠାକୁରମୁଣ୍ଡା ଅଞ୍ଚଳରେ ଘଟିଛି ଘଟଣା । ହାଣ୍ଡିଫୁଟା ଛକ ନିକଟରେ ସାର ଦୋକାନରେ ୭ ଡକାୟତ ପଶି ୮୦ ହଜାର ଟଙ୍କା ଲୁଟି ନେଇଛନ୍ତି ।
ସୂଚନା ଅନୁଯାୟୀ, ୩ଟି ବାଇକରେ ୭ ଜଣ ଡକାୟତ ଆସି ଦୋକାନ ଆଗରେ ଠିଆ ହୋଇଥିଲେ । ଦୋକାନ ଘର ଭିତରକୁ ପଶି କିଛି ସାମଗ୍ରୀ ମାଗିଥିଲେ । ଏହି ସମୟରେ ଦୋକାନୀଙ୍କୁ ୨ ଜଣ ଦୁର୍ବୃତ୍ତ ବନ୍ଧୁକ ଦେଖାଇ ଲୁଟ ଆରମ୍ଭ କରିଥିଲେ । ଦୋକାନୀ ଜଣଙ୍କ ଦୁର୍ବୃତ୍ତ ହାତକୁ ପିଟିବା ଫଳରେ ବନ୍ଧୁକ ଖସି ଗୁଳି ବାହାରି ଯାଇଥିଲା ।
ଏହି ସମୟରେ ଅନ୍ୟମାନେ ଘର ଭିତରେ ପଶି ତାଙ୍କ ସ୍ତ୍ରୀ ଓ ପିଲାଙ୍କୁ ଆକ୍ରମଣ କରିଥିଲେ । ମହିଳା ଜଣକ କୌଶଳକ୍ରମେ ଖସିଯାଇ ଲୋକଙ୍କୁ ବଡ଼ ପାଟିରେ ଡାକିଥିଲେ । ସାମ୍ନା ଘର ଲୋକ ଆସିଯିବାରୁ ଡକାୟତ ତାଙ୍କୁ ମାଡ଼ ମାରିବା ସହ ସାର ଦୋକାନୀଙ୍କ ମୁଣ୍ଡକୁ ଲୁହା ରଡ଼ରେ ପିଟି ଦେଇଥିଲେ । ଏହାପରେ ଘରୁ ୮୦ ହଜାର ଟଙ୍କା ନେଇ ଦୃର୍ବୃତ୍ତମାନେ ଚାଲି ଯାଇଥିଲେ ।