ରବୀନ୍ଦ୍ର ପ୍ରସାଦ ଦାନୀ26/12/2024 at 9:48 PM
ଜମନକିରା : ସମ୍ବଲପୁର ଜିଲ୍ଲା ବାମଣ୍ଡା ବନ୍ୟପ୍ରାଣୀ ବନଖଣ୍ଡ ଅନ୍ତର୍ଗତ ଜମନକିରା ବନ୍ୟପ୍ରାଣୀ ବାନାଞ୍ଚଳ ଭୋଜପୁର କାର୍ଯ୍ୟାଳୟ ଠାରେ ଏକ ଦିବସୀୟ ଗଜସାଥି ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇ ଯାଇଛି। ଏଥିରେ ବାମରା ଡିଏଫଓ ସମୀର କୁମାର ସାହୁ ଅଧ୍ୟକ୍ଷତା କରିଥିବା ବେଳେ ମୁଖ୍ୟଅତିଥି ଭାବେ ଜମନକିରା ବିଡ଼ିଓ ରବୀନ୍ଦ୍ର କୁମାର ସେଠୀ ଯୋଗଦେଇ ହାତୀ ଓ ମଣିଷ ମଧ୍ୟରେ ଥିବା ବିବାଦ ଏବଂ ଏହାର ନିରାକରଣ ଉପରେ ବକ୍ତବ୍ୟ ରଖି କହିଥିଲେ କି ଏବେ ଏଭଳି ସ୍ଥିତି ଉଦବେଗ ଜନକ ହୋଇ ପଡ଼ିଛି। ହାତୀ ଗୋଟିଏ ଜାତୀୟ ଐତିହ୍ୟ ପ୍ରାଣୀ। ହାତୀ କ୍ଷୟ ହେଲେ ଜଙ୍ଗଲ ନଷ୍ଟ ହେବ। ଜଙ୍ଗଲ ନଷ୍ଟ ହେଲେ ପୃଥିବୀ ଧିରେ ଧିରେ ବିନାଶ ଆଡ଼କୁ ଗତି କରିବ। ହାତୀ ମାନେ ଜଙ୍ଗଲରେ ଖାଦ୍ୟ ନପାଇ ଗ୍ରାମଭିମୁଖି ହେଉଛନ୍ତି। ଖାଦ୍ୟ ଅନ୍ୱେଷଣରେ ଆସି ଲୋକଙ୍କ କ୍ଷତି ପହଞ୍ଚାଉଛନ୍ତି। ତେଣୁ ହାତୀଙ୍କ ଖାଇବା ଯୋଗ୍ୟ ବୃକ୍ଷ ରୋପଣ କରାଗଲେ ଏସବୁ ସମସ୍ୟା ରୁ କିଛିଟା ଲାଭ ମିଳିବ ବୋଲି କହିଥିଲେ। ସେହିପରି ଡିଏଫଓ ତାଙ୍କ ବକ୍ତବ୍ୟ ମାଧ୍ୟମରେ ହାତୀ ଓ ମଣିଷର ବିବାଦ କୁ ନେଇ ବିସ୍ତୃତ ଭାବେ ଆଲୋଚନା କରିଥିଲେ। ସେ ହାତୀ ଗୋଟିଏ ଏଭଳି ଯିବ ଯିଏ କି ଅତି ଚାଲାକ୍, ବିଜ୍ଞ ଓ ଭଦ୍ର ସ୍ୱଭାବର ପ୍ରାଣୀ। ତା ଦ୍ଵାରା ଜଙ୍ଗଲ ବୃଦ୍ଧି ପାଏ। ଜଙ୍ଗଲରେ ଏକ ମାତ୍ର ଜୀବ ରହିଛି ଯିଏ କି ପ୍ରକୃତି କୁ ଭାରସାମ୍ୟ ରଖିଥାଏ। ଆଦିମ କାଳରୁ ହାତୀ ଜଙ୍ଗଲ ବୃଦ୍ଧିରେ ବିରାଟ ଭୂମିକା ଗ୍ରହଣ କରିଥାଏ। ମାତ୍ର ଜନ ସଂଖ୍ୟା ବୃଦ୍ଧି ଏବଂ ଜନ ବସତି ଯୋଗୁଁ ଧିରେ ଧୀରେ ଜଙ୍ଗଲ ନଷ୍ଟ ହେବା ସହ ସ୍ଥାନ ମଧ୍ୟ ମଣିଷ ଅକ୍ତିଆର କରିବାରେ ଲାଗିଛି। ଯଦ୍ୱାରା ହାତୀ ଜନ ବସତି ଆଡ଼କୁ ମୁହାଉଛି। ଏହାକୁ ସମନ୍ୱୟ ରଖି ଆମେ ସମସ୍ତେ ଏହାର ମୁକାବିଲା ଓ ସମାଧାନ କରିବାକୁ ପଡିବ। ଆମର ପ୍ରଗତି ବଢିବା ପାଇଁ ଆମ୍ଭେ ମାନେ ପ୍ରକୃତି କୁ ନଷ୍ଟ କରିବା ଉଚିତ ନୁହେଁ। ହାତୀ ଜଙ୍ଗଲରେ ଭାରସାମ୍ୟ ରକ୍ଷା କରେ। ହାତୀ ରହିଲେ ଜଙ୍ଗଲ ରହିବ। ଜଙ୍ଗଲ ରହିଲେ ଆମ୍ଭେମାନେ ସୁଖରେ ରହିବା ବୋଲି ତାଙ୍କ ବକ୍ତବ୍ୟରେ ପ୍ରକାଶ କରିଥିଲେ। ସମ୍ମାନୀୟ ଅତିଥି ଭାବେ ପ୍ରକୃତି ବନ୍ଧୁ ଡା: ହୃଦାନନ୍ଦ ନାୟକ, ଜମନକିରା ରେଞ୍ଜର ଲକ୍ଷ୍ମୀ ନାରାୟଣ ନାଏକ, କୁଚିଣ୍ଡା ରେଞ୍ଜର ଲେଖାରାଣି ମହାନନ୍ଦ, ବାମରା ରେଞ୍ଜର ଦୀପକ ମହାନନ୍ଦ, ବିଦ୍ୟୁତ ବିଭାଗ ଅଧିକାରୀ ବ୍ରହ୍ମାନନ୍ଦ ସାହୁ, ପ୍ରାଣୀ ଚିକିତ୍ସକ ଭୁବନେଶ୍ୱର ସାହୁ, କୁଚିଣ୍ଡା ଏଏସଆଇ ହାଡ଼ୁ ବେହେରା, ଜମନକିରା ଏଏସଆଇ ନିରଞ୍ଜନ ପ୍ରଧାନ ପ୍ରମୁଖ ଯୋଗଦେଇ ବିଭାଗ ପକ୍ଷରୁ ଯାହା କିଛି ଆବଶ୍ୟକ ସହଯୋଗ କରାଯିବ ବୋଲି ପ୍ରତିଶ୍ରୁତି ଦେଇଥିଲେ। କାର୍ଯ୍ୟକ୍ରମ କୁ ଏସିଏଫ୍ ଆଲୋକ କୁମାର ଷଡଙ୍ଗୀ ପରିଚାଳନା କରିଥିବା ବେଳେ ଲକ୍ଷ୍ମୀଧର ବିନ୍ଧାଣି ସହଯୋଗ କରିଥିଲେ। ଶେଷରେ ଉପସ୍ଥିତ ଗଜସାଥି, ବନ ବିଭାଗ ଫରେଷ୍ଟର, ଫରେଷ୍ଟ ଗାର୍ଡ, ବିଟ ଗାର୍ଡ, ଅଧିକାରୀ, କର୍ମଚାରୀ, ସରପଞ୍ଚ, ବିଭିନ୍ନ ବନ ସୁରକ୍ଷା ସମିତି ରୁ ଆସିଥିବା ସଭ୍ୟ ସଭ୍ୟା, ସଚେତନ ନାଗରିକ ଙ୍କୁ ନେଇ ପ୍ରଶ୍ନ ଉତ୍ତର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଉତ୍ତର ମାଧ୍ୟମରେ କିଭଳି ସମସ୍ୟାର ସମାଧାନ କରାଯିବ ସେ ନେଇ ବିଭିନ୍ନ ବିଭାଗ ର ଅଧିକାରୀ ବୃନ୍ଦ ଦେଇଥିଲେ। ଶେଷରେ ରେଞ୍ଜର ଶ୍ରୀ ନାଏକ ଧନ୍ୟବାଦ ଅର୍ପଣ କରିଥିଲେ।