ସୌମିତ୍ରି ମେହେର29/01/2025 at 9:32 PM
ବୀରମହାରାଜପୁର : (ସୌମିତ୍ରି ମେହେର ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପକଣ୍ଠ ଆଇଟିଆଇ କଲେଜ ଠାରେ ଆଜି ସଡ଼କ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ବୁଧବାର କଲେଜ୍ର ଅଧ୍ୟକ୍ଷା ସଞ୍ଜୁ ବରୱାଙ୍କ ସଭାପତିତ୍ୱରେ ଆୟୋଜିତ ସଚେତନତା ସଭାରେ ସୋନପୁର ଆରଟିଓ ଅକ୍ଷୟ କୁମାର ଜେନା ମୁଖ୍ୟ ଅତିଥି ଭାବରେ ଯୋଗଦେଇ ଛାତ୍ରଛାତ୍ରୀମାନଙ୍କୁ ବିଭିନ୍ନ ପରାମର୍ଶ ଦେବା ସହ ସଚେତନ କରାଇଥିଲେ I ତନ୍ମଧ୍ୟରୁ ପ୍ରଥମରେ କହିଲେ ବିନା ହେଲମେଟରେ ଗାଡି ନ ଚଳାଇବାକୁ , ତାପରେ କହିଲେ ମଦ୍ୟପାନ କରି ଗାଡି ନଚଳାଇବା , ଗାଡି ଚଳାଇବା ସମୟରେ ମୋବାଇଲ ବ୍ୟବହାର ନ କରିବା , ୧୮ବର୍ଷରୁ କମ ବୟସର ପୁଅ ଝିଅ ଗାଡି ନଚଳାଇବା ଆଦି ପରାମର୍ଶ ଦେଇ ଉପସ୍ଥିତ ଛାତ୍ର ଛାତ୍ରୀ ମାନଙ୍କୁ ସଚେତନ କରିଥିଲେ l ଅନ୍ୟମାନଙ୍କ ମଧ୍ୟରେ କଲେଜ କର୍ମଚାରୀ ସସ୍ମିତା ପଧାନ , ଅଶୋକ ବେଜି, ମକରଧ୍ବଜ ପତି, ପଙ୍କଜିନୀ ବେହେରା , ମୋନାଲିସା ବିଶ୍ୱାଳ ଏବଂ ପରିବହନ ବିଭାଗର କର୍ମଚାରୀ ପ୍ରତାପ ପାଣିଗ୍ରାହୀ, ଚିତ୍ତରଞ୍ଜନ ଭୋଇ , ବିପିନ ରଣା , ମାନ ମେହେର ପ୍ରମୁଖ ଉପସ୍ଥିତ ରହିଥିଲେ l ଏହି ଅବସରରେ କଲେଜ ପରିସରରୁ ଛାତ୍ର ଛାତ୍ରୀ ମାନେ ହାତରେ ପ୍ଲା କାର୍ଡ ଧରି ସଚେତନତା ଶୋଭା ଯାତ୍ରାରେ ବାହାରି ଜନସାଧାରଣଙ୍କୁ ସଚେତନ କରିଥିଲେ l