ଓଡ଼ିଶା ଡଟ୍ ନ୍ୟୁଜ୍

3/04/2025 at 3:22 PM

ତାଳଚେର: କୁଖ୍ୟାତ ଅପରାଧୀ ସୁଶାନ୍ତ ନାୟକ ଓରଫ ଝାମୁକୁ ଏନକାଉଣ୍ଟର । ପୋଲିସ ଗୁଳିରେ ଝାମୁ ଗୁରୁତର । ଗୁଳି ତାର ଗୋଡ଼ରେ ବାଜିଛି । ଗୁରୁତର ଅବସ୍ଥାରେ ଅନୁଗୁଳ ମେଡ଼ିକାଲରେ ଭର୍ତ୍ତି କରାଯାଇଛି ।

ଗତ ଜାନୁୟାରୀ ୨୩ ତାରିଖରେ ତାଳଚେରସ୍ଥିତ ଶନିବାର ହାଟ ନିକଟରେ ଏକ ବଡ଼ଧରଣର ଡକାୟତି ଯୋଜନା କରୁଥିଲା ଝାମୁ । ତାଳଚେର ପୋଲିସ କୌଣସି ସୂତ୍ରରୁ ଖବରପାଇ ଘଟଣାସ୍ଥଳରେ ପହଞ୍ଚିବାରୁ ଝାମୁ ପୋଲିସ ଉପରକୁ ଗୁଳି ଚଳାଇ ଖସି ଯାଇଥିଲା ।

ଦୀର୍ଘ ଦିନ ପରେ ଝାମୁ ଗତକାଲି ତାଳଚେରସ୍ଥିତ ସ୍କଟଲାଣ୍ଡପୁର ଜଙ୍ଗଲରେ ଏକ ଅପରାଧ କରିବା ଲାଗି ଯୋଜନା କରୁଥିଲା । ତାଳଚେର ପୋଲିସ ପାଟ୍ରୋଲିଂ କରୁଥିବା ବେଳେ ପୋଲିସ ଗାଡ଼ିକୁ ଦେଖି ଦୌଡି ପଳାଉଥିଲା । ତେବେ ପୋଲିସ ପିଛା କରିବା ବେଳେ ଝାମୁ ପୋଲିସ ଉପରକୁ ଗୁଳି ଚଳାଇଥିଲା । ପୋଲିସ ଏହାର ପାଲଟା ଜବାବ ଦେବା ସହ ଝାମୁ ଉପରକୁ ପାଲଟା ଗୁଳି ଚଳାଇଥିଲା । ଝାମୁର ବାମ ଗୋଡ଼ରେ ଗୁଳି ବାଜିଛି । ପରେ ପୋଲିସ ତାକୁ କାବୁ କରିଥିଲା । ଝାମୁର ଅବସ୍ଥା ଗୁରୁତର ହେବାରୁ ତାକୁ ସ୍ଥାନୀୟ ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି । ଝାମୁ ନାଁରେ ତାଳଚେର ସମେତ ଅନୁଗୁଳ ଓ ବାହାର ଜିଲ୍ଲା ଥାନାରେ ୨୦ରୁ ଅଧିକ ଅପରାଧିକ ମାମଲା ରହିଛି ।