ଓଡ଼ିଶା ଡଟ୍ ନ୍ୟୁଜ୍17/04/2025 at 8:51 AM
ଓଡ଼ିଶା ଡଟ୍ ନ୍ୟୁଜ୍: ଓ୍ବାକଫ ବିଲକୁ ନେଇ ସାରା ଦେଶରେ ବାଦ ବିବାଦ ଲାଗି ରହିଥିବା ବେଳେ ସୁପ୍ରିମକୋର୍ଟରେ ବି ମାମଲା ହୋଇଛି । ମାମଲାର ଶୁଣାଣି ବେଳେ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ଏମିତି ଏକ ପ୍ରଶ୍ନ କରିଛନ୍ତି, ଯାହାକୁ ନେଇ ହରଡ଼ ଘଣାରେ ପଡ଼ିଛନ୍ତି ସରକାର । କୋର୍ଟ ପଚାରିଛନ୍ତି ହିନ୍ଦୁ ଧାର୍ମିକ ପୀଠ ପରିଚାଳନା କମିଟିରେ ମୁସଲମାନ ରହିପାରିବେ କି ? ୱାକଫ ଆଇନକୁ ବିରୋଧ କରି ଆଗତ ପିଟିସନ ଉପରେ ସୁପ୍ରିମକୋର୍ଟ ଆଜିଠାରୁ ଗୁରୁତ୍ବପୂର୍ଣ୍ଣ ଶୁଣାଣି କରିଛନ୍ତି । ୱାକଫ ବାୟ ୟୁଜର ସମ୍ପତ୍ତି ଉପରେ କୋର୍ଟ କେନ୍ଦ୍ର ସରକାରଙ୍କଠୁ ଜବାବ ମାଗିଛନ୍ତି ।
ସୂଚନାଯୋଗ୍ୟ, ଆଜି ୱାକଫ ଆଇନ ବିରୋଧରେ ଦାଖଲ ପିଟିସନ ଉପରେ ଆଜି ଶୁଣାଣି କରିଛନ୍ତି ସୁପ୍ରିମକୋର୍ଟ । ପ୍ରଥମ ଦିନର ଶୁଣାଣିରେ କୋର୍ଟ କିଛି ଗୁରୁତ୍ବପୂର୍ଣ୍ଣ ଟିପ୍ପଣୀ ଦେଇଛନ୍ତି । ପ୍ରଧାନ ବିଚାରପତି ଜଷ୍ଟିସ ସଞ୍ଜୀବ ଖନ୍ନା, ଜଷ୍ଟିସ ସଞ୍ଜୟ କୁମାର, ଜଷ୍ଟିସ କେବି ବିଶ୍ବନାଥନଙ୍କ ଦ୍ବାରା ଗଠିତ ଖଣ୍ଡପୀଠ ଶୁଣାଣି କରିଛନ୍ତି ।
ଆବେଦନରେ କୁହାଯାଇଛି, ୱାକଫ ଆଇନରେ କରାଯାଇଥିବା ସଂଶୋଧନ ଅସାମ୍ବିଧାନିକ । ଏହା ମୁସଲିମ ସମୁଦାୟ ପ୍ରତି ଭେଦଭାବ କରୁଛି । ମନମୁଖି ନିଷ୍ପତ୍ତି ନେବା ପାଇଁ ଏହି ସଂଶୋଧିତ ଆକ୍ଟ ସରକାରଙ୍କୁ ଅନୁମତି ପ୍ରଦାନ କରୁଛି । ତେଣୁ ଏହି ଆକ୍ଟ ରଦ୍ଦ କରିବା ଓ ଏହାର ଲାଗୁ କରିବା ଉପରେ ରୋକ୍ ଲଗାଇବା ଉଚିତ୍ । କଂଗ୍ରେସ, ଜେଡିୟୁ, ଆପ୍, ଡିଏମକେ, ସିପିଆଇ ପରି ଦଳ ଏହି ଆଇନ ବିରୋଧରେ ସୁପ୍ରିମକୋର୍ଟରେ ଯାଚିକା ଦାୟର କରିଛନ୍ତି । ଏହା ସହିତ ଜମିୟତ ଉଲେମା-ଏ-ହିନ୍ଦ, ଅଲ ଇଣ୍ଡିଆ ମୁସଲିମ ପର୍ସନାଲ ଲ ବୋର୍ଡ ଓ କିଛି ଏନଜିଓ ମଧ୍ୟ ଏହି ଆଇନର ସଂଶୋଧନ ବିରୋଧରେ ଅଛନ୍ତି ।