ମହାନଦୀ ଜଳ ବିବାଦ; ଆଜି ଓଡ଼ିଶା ଆସୁଛନ୍ତି ଟ୍ରିବ୍ୟୁନାଲ ଟିମ୍, କାଲିଠୁ ଆରମ୍ଭ ସର୍ଭେ
ଭୁବନେଶ୍ବର: ମହାନଦୀ ଜଳ ବିବାଦ। ଆଜି ଓଡ଼ିଶା ଆସୁଛନ୍ତି ଟ୍ରିବ୍ୟୁନାଲ ଟିମ୍। ନିକଟରେ ୨ ଟି ପ୍ରର୍ଯ୍ୟାୟରେ ମହାନଦୀ ଟ୍ରିବ୍ୟୁନାଲ ଟିମ୍ ଛତିଶଗଡ଼ କ୍ଷେତ୍ର ପରିଦର୍ଶନ କରିଥିଲେ। ଆସନ୍ତାକାଲିଠୁ ଟ୍ରିବ୍ୟୁନାଲ ଟିମ୍ ହୀରାକୁଦରେ କ୍ଷେତ୍ର ପରିଦର୍ଶନ ଆରମ୍ଭ କରିବେ ।
ଜଷ୍ଟିସ ଏ ଏମ ଖାନୱିଲକରଙ୍କ ନେତୃତ୍ୱରେ ଟ୍ରିବ୍ୟୁନାଲର ସଦସ୍ୟମାନେ ଏହି ସର୍ଭେ ସମୟରେ ୩୦ ଟି ସ୍ଥାନ ପରିଦର୍ଶନ କରିବାର କାର୍ଯ୍ୟକ୍ରମ ରହିଛି।
ଆସନ୍ତା ୨୮ ତାରିଖ ପର୍ଯ୍ୟନ୍ତ ଜାରି ରହିବ ଏହି ସର୍ଭେ। ଟ୍ରିବ୍ୟୁନାଲ ଟିମ୍ ଶନିବାର ଦିନ ହିରାକୁଦରୁ ଏହାର ଫିଲ୍ଡ ଗସ୍ତ ଆରମ୍ଭ କରିବ ଏବଂ ମହାନଦୀ ଡେଲ୍ଟା ସିଷ୍ଟମର ଯାଞ୍ଚ ସହିତ ଶେଷ ହେବ ବୋଲି ଆନ୍ତଃ ରାଜ୍ୟ ଜଳ ପ୍ରସଙ୍ଗର ମୁଖ୍ୟ ମୁଖ୍ୟ ଇଞ୍ଜିନିୟର କହିଛନ୍ତି। ଟିମ୍ ହୀରାକୁଦ ବନ୍ଧ ସମେତ ଏହାର ଉଭୟ ତଳ ଓ ଉପରମୁଣ୍ଡର ସଂଲଗ୍ନ ଅଂଚଳ ଗସ୍ତ କରିବାର କାର୍ଯ୍ୟକ୍ରମ ରହିଛି ।
ଏହି ଦଳ ଛତିଶଗଡରେ ଏହାର ପ୍ରଥମ ପର୍ଯ୍ୟାୟ କ୍ଷେତ୍ର ସର୍ଭେ କରିସାରିଛି ଏବଂ ବର୍ତ୍ତମାନ ଦୁଇ ରାଜ୍ୟ ମଧ୍ୟରେ ମହାନଦୀ ନଦୀ ଜଳ ବଣ୍ଟନ ବିବାଦର ସମାଧାନ ପାଇଁ ଉଦ୍ୟମ କରି ଦ୍ୱିତୀୟ ପର୍ଯ୍ୟାୟ କ୍ଷେତ୍ର ପରିଦର୍ଶନ ପାଇଁ ଓଡିଶା ଗସ୍ତ କରୁଛି। ସୂତ୍ରରୁ ପ୍ରକାଶ ଯେ ଛତିଶଗଡ ଟ୍ରିବ୍ୟୁନାଲକୁ ରାଜ୍ୟର ୧୫ ଟି ସ୍ଥାନ ପରିଦର୍ଶନ କରିବାକୁ ଅନୁରୋଧ କରିଛି।
