ସିତାଂଶୁ ଶେଖର ଜେନା11/06/2023 at 1:11 PM
ଯାଜପୁର ଜିଲ୍ଲା ଦଶରଥପୁର ବ୍ଲକ ବୋଉଳାଙ୍ଗ ଠାରେ ଗତ ଶୁକ୍ରବାର ବିଳମ୍ବିତ ରାତ୍ରିରେ ଏକ ବେଆଇନ ଗୋରୁ ଚାଲାଣ ଗାଡି ଜବତ ହୋଇଛି| OD04E8934 ନଂ ବିଶିଷ୍ଟ ଡାଲା ଅଟୋରେ 9 ଟି ଗୋରୁଙ୍କୁ ପରସ୍ପର ଉପରେ ଅମାନୁଷିକ ଭାବେ ଲଦି ଅଳକୁଣ୍ଡ ଅଞ୍ଚଳରୁ ଭଦ୍ରକ ମୁଖେ ଯାଉଥିବା ଗାଡିଟିକୁ ବୋଉଳାଙ୍ଗ ଠାରେ ରାତି ଗୋଟାଏ ସମୟରେ ଦଶରଥପୁର ପ୍ରଖଣ୍ଡ ବଜରଙ୍ଗ ଦଳ ପକ୍ଷରୁ ଏହାକୁ ଅଟକାଯାଇଥିଲା| ଗାଡ଼ିର ଡ୍ରାଇଭର ଚତୁରତାର ସହ ଚମ୍ପଟ ମାରି ପଳାଇଥିବା ବେଳେ ଗାଡି ଭିତରେ ଥିବା ଅନ୍ୟ ଦୁଇ ଜଣଙ୍କୁ କାବୁ କରିଥିଲେ ଵଜରଙ୍ଗ ଦଳର ସଦସ୍ୟ ମାନେ| ଵଜରଙ୍ଗ ଦଳର ସଦସ୍ୟ ତରଫରୁ ମଙ୍ଗଳପୁର ଥାନାରେ ଲିଖିତ ଅଭିଯୋଗ କରାଯିବା ପରେ ରାତାରାତି ମଙ୍ଗଳପୁର ପୋଲିସ ଗାଡିଟିକୁ ଜବତ କରି ଥାନାକୁ ଆଣିବା ସହ ଉକ୍ତ ଦୁଇ ଜଣଙ୍କୁ ଥାନାରେ ଅଟକ ରଖିଛି| ଅଟକ ଦୁଇ ଜଣ ସଂଖ୍ୟା ଲଘୁ ସମ୍ପ୍ରଦାୟର ହୋଇଥିବା ବେଳେ ଜଣଙ୍କ ଘର ବିଂଝାରପୁର ଅଞ୍ଚଳର ଏବଂ ଅନ୍ୟ ଜଣଙ୍କ ଘର ଭଦ୍ରକ ଅଞ୍ଚଳର ବୋଲି ଜଣାପଡିଛି| ଉଦ୍ଧାର ଗୋରୁ ଗୁଡିକୁ ଶନିବାର ଅପରାହ୍ନରେ ଭଦ୍ରକ ସ୍ଥିତ ଗୋଶାଳାରେ ଛଡ଼ାଯାଇଥିବାର ସୂଚନା ଦେଇଛନ୍ତି ଏସଆଇ ବିପିନ କୁମାର ସାହୁ|