ସିତାଂଶୁ ଶେଖର ଜେନା29/06/2023 at 7:39 PM
ଅଭାବ ଅସୁବିଧା ମଧ୍ୟରେ ସେବା ଯୋଗାଇ ଚାଲିଛି କମାଳପୁର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର| ଦୁଇ ଦଶନ୍ଧି ତଳେ ଦଶରଥପୁର ବ୍ଲକ ଅଧୀନସ୍ଥ କସପା ପଞ୍ଚାୟତରେ ଏହି ସ୍ୱାସ୍ଥ୍ୟ କେନ୍ଦ୍ର ପ୍ରତିଷ୍ଠା ହୋଇଥିଲା ଯାହା ଏବେ ବିଭିନ୍ନ ସମସ୍ୟା ଘେରରେI ଦୁଇ ବର୍ଷ ହେଲା ଏମବିବିଏସ୍ ଡାକ୍ତର ନ ଥିବା ବେଳେ 21 ବର୍ଷ ମଧ୍ୟରେ ମଝିରେ ମଝିରେ ଏମବିବିଏସ୍ ଡାକ୍ତରଙ୍କୁ ରୋଗୀ ସେବା କରୁଥିବାର ଦେଖାଯାଇଛି| ଫାର୍ମାସିଷ୍ଟ ,ଷ୍ଟାଫ ନର୍ସ,
ଆଟେଣ୍ଡାଣ୍ଟ ପଦବୀ ଦୀର୍ଘ ଦିନ ହେବ ଖାଲି ପଡିଛିଇ ପ୍ରକାଶ ଥାଉ କି ହସନାବାଦ, କସପା, କମାଳପୁର, ବନବାଗ, ମଠସାହି, ପଙ୍ଗଟା, ପଲାସାହି ଶାସନ, ପଛପଡା, ଅହିୟାସ ଓ ଆଖୁଆସାହି ଆଦି ଗ୍ରାମର ଲୋକେ ସ୍ୱାସ୍ଥ୍ୟସେବା ପାଇଁ ଏହି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଉପରେ ନିର୍ଭର କରିଥାନ୍ତିI ସ୍ୱାସ୍ଥ୍ୟକେନ୍ଦ୍ର ଚତୁଃପାର୍ଶ୍ୱରେ ପାଚେରି ନଥିବାରୁ ବୁଲା ଗୋରୁ ଗାଈ,ଷଣ୍ଢ ଅସାମାଜିକ ଲୋକଙ୍କ ଆଡ୍ଡାସ୍ଥଳୀ ପାଲଟିଛି ପରିସର| ପାନୀୟଜଳ ସମସ୍ୟା ପ୍ରତି କାହାରି ନଜର ନପଡିବା ମଧ୍ୟ ପରିତାପର ବିଷୟI କର୍ମଚାରୀ ବାସ ଗୃହ ନଥିବାରୁ ଜରୁରୀ ସମୟ ସେବା ବାଧାପ୍ରାପ୍ତ ହୋଇଥାଏ। ଏତେ ସବୁ ସତ୍ୱେ ଆୟୁଷ ଡକ୍ଟର ଶେଷଦେବ ପୃଷ୍ଟି ଓ ଏଏନଏମଙ୍କ ସ୍ରକ୍ରୀୟ ସହଯୋଗରେ ଅଞ୍ଚଳବାସୀଙ୍କୁ ଯଥା ସମ୍ଭବ ସେବା ଯୋଗାଇ ଦେଉଛନ୍ତି। ତେବେ ଜିଲ୍ଲା ମୁଖ୍ୟ ଚିକିତ୍ସାଅଧିକାରୀଙ୍କ ଶୁଭ ଦୃଷ୍ଟି ଏହି ସ୍ୱାସ୍ଥ୍ୟକେନ୍ଦ୍ରରେ ପଡ଼ିଲେ ସମସ୍ୟା ଗୁଡିକ ସମାଧାନ ହୋଇପାରନ୍ତା ବୋଲି ଅଞ୍ଚଳବାସୀ ମତବ୍ୟକ୍ତ କରିଛନ୍ତି।