ଜନବାଦି ସାହିତ୍ୟିକ କୁମାର ହସନଙ୍କ ଉଦ୍ଦେଶ୍ୟରେ ଶ୍ରଦ୍ଧାଂଜଳି ସଭା
ଜମନକିରା : ଓଡ଼ିଶାର ଜଣେ ଜନପ୍ରିୟ ଜନବାଦି ସାହିତ୍ୟିକ କୁମାର ହସନଙ୍କ ଉଦ୍ଦେଶ୍ୟରେ ଏକ ଶ୍ରଦ୍ଧାଂଜଳି ସଭା ପ୍ରତିଭା ବିକାଶ ଅଭିଯାନ ପକ୍ଷରୁ ଆଜି କ୍ରାନ୍ତି ଦିବସ ଅବସରରେ ଅନୁଷ୍ଠିତ ହୋଇ ଯାଇଛି। ଅବସର ପ୍ରାପ୍ତ ଅଧ୍ୟକ୍ଷ ତଥା ସାହିତ୍ୟିକ ସୁବାସ ଚନ୍ଦ୍ର ନାୟକଙ୍କ ସଭାପତିତ୍ବରେ ଆୟୋଜିତ ଏହି ଶ୍ରଦ୍ଧାଂଜଳି ସଭାରେ କୁମାରଙ୍କ କ୍ରାନ୍ତିକାରୀ ସୃଷ୍ଟି ଉପରେ ଆଲୋଚନା କରି ସେ ଆଞ୍ଚଳିକ ଓ ସାଧାରଣ ଜନତାଙ୍କ ସ୍ୱର ଠାରୁ ଆରମ୍ଭ କରି ବିଶ୍ୱର ସର୍ବହରାଙ୍କ ସ୍ୱରକୁ ମଧ୍ୟ ତାଙ୍କ ଲେଖା ମାଧ୍ୟମରେ ସ୍ୱର କୁ ଶାଣିତ କରିଛନ୍ତି ବୋଲି ବକ୍ତା ଗଣ ମତ ପ୍ରକାଶ କରିଥିଲେ।ଏଥିରେ ଅଭିଯାନର ଆବାହକ ପ୍ରଭାତ ବେହେରା, ଅଧ୍ୟାପକ ସତ୍ୟନାରାୟଣ ପଟେଲ , ସୁଧୀର ନାୟକ, ବରିଷ୍ଟ ଶିକ୍ଷକ ପ୍ରମୋଡ ଚୌଧୁରୀ, ଅବସର ପ୍ରାପ୍ତ ଶିକ୍ଷକ ସନ୍ତୋଷ ପଟେଲ , ରମାକାନ୍ତ ମାହାକୁଲ, ଅତୁଲ ଅଗ୍ରୱାଲା, ପ୍ରମୁଖ ସ୍ବର୍ଗତ ହସନଙ୍କ ଜୀବନୀ ଓ ସାହିତ୍ୟ ଉପରେ ଆଲୋଚନା କରିଥିଲେ। ଶେଷରେ ସଂଯୋଜକ ରମେଶ କିଶାନ ଧନ୍ୟବାଦ ଅର୍ପଣ କରିଥିଲେ।
