ସୌମିତ୍ରି ମେହେର1/03/2024 at 6:06 PM
ବୀରମହାରାଜପୁର : (ସୌମିତ୍ରି ମେହେର )
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ର ମେଣ୍ଡାମାଳ ପ୍ରାଥମିକ ବିଦ୍ୟାଳୟ ପରିସରରେ ତାଲୁକ ଆଇନ ସେବା କମିଟି ବୀରମହାରାଜପୁର ପକ୍ଷରୁ ସଡକ ସୁରକ୍ଷା ନେଇ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ବୀରମହାରାଜପୁର ତାଲୁକ ଆଇନ ସେବା କମିଟି ର ଅଧ୍ୟକ୍ଷା ତଥା ସବଜଜ୍ ସରୋଜିନୀ ସାହୁ ମୁଖ୍ୟ ଅତିଥି ଭାବେ ଉକ୍ତ କାର୍ଯ୍ୟକ୍ରମରେ ଯୋଗଦେଇ ଥିଲେ I ସ୍ଥାନୀୟ ଏସ୍ ଡି ଜେ ଏମ୍ ରାଜଶ୍ରୀ ପଟ୍ଟନାୟକ , ସଡକ ଓ ପରିବହନ ଅଧିକାରୀ ଅକ୍ଷୟ କୁମାର ଜେନା , ବରିଷ୍ଠ ଆଇନଜୀବୀ ଯତୀନ କୁମାର ପାଣିଗ୍ରାହୀ , ବିଭୁତି ଭୂଷଣ ହୋତା ପ୍ରମୁଖ ସମ୍ମାନୀୟ ଅତିଥି ଭାବେ ଯୋଗଦେଇ ଥିଲେ l ସଡକ ସୁରକ୍ଷା ଓ ଆଇନ ଉପରେ ସଚେତନ କରିବା ସହିତ ତାଲୁକ ଆଇନ ସେବା ତରଫରୁ ଗରିବ ଙ୍କୁ ମାଗଣା ସେବା ଯୋଗାଇ ଦେବାନେଇ ଅତିଥି ମାନେ ମତବ୍ୟକ୍ତ କରିଥିଲେ I କାର୍ଯ୍ୟକ୍ରମରେ ଶିକ୍ଷୟତ୍ରୀ ବବିତା ସେଠୀ ସଭାପତିତ୍ବ କରିଥିବା ବେଳେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ନିରୁପମା ମିଶ୍ର ଧନ୍ୟବାଦ ଅର୍ପଣ କରିଥିଲେ I