ସୌମିତ୍ରି ମେହେର25/09/2024 at 8:10 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଜି .ପି.ଏଲ୍.ଏଫ୍ ମିଶନ ଶକ୍ତି କର୍ମୀ ସଙ୍ଘ ସଭାନେତ୍ରୀ ମଲ୍ଲି ସାହୁ ଙ୍କ ନେତୃତ୍ୱ ରେ ମିଶନ ଶକ୍ତି ର କାର୍ଯ୍ୟ ବନ୍ଦ ଆନ୍ଦୋଳନ ଡାକରା ଦିଆଯାଇଛି l ରାଜ୍ୟ ସଙ୍ଘ ର ନିଷ୍ପତି କ୍ରମେ ଦୀର୍ଘ ୬ ମାସ ହେଲା ପାଉଣା ପାଉନଥିବାରୁ ଏହି ଆନ୍ଦୋଳନ କରାଯାଇଛି l ଉକ୍ତ ଆନ୍ଦୋଳନ ରେ ଏମ ବି କେ, ସି ଆର ପି, ବ୍ୟାଙ୍କ ମିତ୍ର , କୃଷି ମିତ୍ର ଆଦି ସାମିଲ୍ ହୋଇଥିବାର ଦେଖିବାକୁ ମିଳିଥିଲା l ଦୀର୍ଘ ୬ ମାସ ହେଲା ସେମାନଙ୍କର ଦରମା ମିଳୁନଥିବାରୁ ସେମାନେ ଆଜିଠାରୁ ଅଫିସ ରେ ତାଲା ମାରି କାର୍ଯ୍ୟ ବନ୍ଦ କରିବେ ବୋଲି ପ୍ରକାଶ କରିଥିଲେ l କାର୍ଯ୍ୟ ବନ୍ଦ ଆନ୍ଦୋଳନ ପୂର୍ବ ରୁ ବିଡିଓ ପ୍ରିୟଦର୍ଶିନୀ ମିର୍ଦ୍ଧା , ବିପିଏମ ମନୋଜ ବାଗ , ସିଡିପିଓ ମଞ୍ଜୁ ଲତା ସ୍ୱାଇଁ ଙ୍କୁ ପୃଥକ, ପୃଥକ ଭାବରେ ଦାବୀ ପତ୍ର ପ୍ରଦାନ କରିଥିଲେ l ଉକ୍ତ ଦାବିପତ୍ର ପ୍ରଦାନ ବେଳେ ଓ .ଏଲ୍.ଏମ୍ ଅଧିକାରୀ ଆର୍ ଡି ସି ରଞ୍ଜିତ ଖମାରୀ , ବି ଏଲ୍ ସି ରମାକାନ୍ତ ହରିପାଲ ପ୍ରମୁଖ ଉପସ୍ଥିତ ଥଲେ l ଉକ୍ତ ଆନ୍ଦୋଳନ ରେ ଏମ ବି କେ, ସି ଆର ପି ଙ୍କ ବ୍ଲକ ସଭାନେତ୍ରୀ ପଦ୍ମାଳୟା ନନ୍ଦ , ବ୍ଲକ ସମ୍ପାଦିକା ସୁଜାତା ସିଂହ , ବ୍ୟାଙ୍କ ମିତ୍ର କିଶୋରୀ ସେଠି , ଏମ ବି କେ ଆରତୀ ଶତପଥି , ବବିତା ରାଣୀ ମହାପାତ୍ର , ଗୀତାଞ୍ଜଳି ଜେନା , ବୀଣାପାଣି ହୋତା , ପୁଷ୍ପାଞ୍ଜଳୀ ନାଏକ ସି ଆର ପି ରେଖା ନାଏକ ସ୍ୱପ୍ନା ମେହେର , ସୁମତି ମେହେର ଙ୍କ ସମେତ ବ୍ଲକ ରେ ଥିବା ସମସ୍ତ ଏମ ବି କେ, ସି ଆର ପି, ଏବଂ ବ୍ୟାଙ୍କ ମିତ୍ର ସାମିଲ ଥିଲେ I ଏଥି ସହିତ ସୁବର୍ଣପୁର ଜିଲ୍ଲାର ଛଅ ଗୋଟି ବ୍ଲକ ର ଏମ ବି କେ, ସି ଆର ପି , ବ୍ୟାଙ୍କ ମିତ୍ର , ପ୍ରାଣୀ ମିତ୍ର ଆଜି ସନ୍ଧ୍ୟାରେ ଜିଲ୍ଲାପାଳ ଙ୍କୁ ମଧ୍ୟ ଦାବି ପତ୍ର ପ୍ରଦାନ କରିଛନ୍ତି ।