ସୌମିତ୍ରି ମେହେର22/12/2024 at 8:13 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଅନ୍ତର୍ଗତ ଉଫୁଳା ଗ୍ରାମ ପଞ୍ଚାୟତ କାର୍ଯ୍ୟାଳୟ ସଭା ଗୃହରେ ବ୍ଲକ ସ୍ତରୀୟ ନେଟୱାର୍କିଂ ସଭା ଆୟୋଜିତ ହୋଇଯାଇଛି I ସୋନପୁର ସ୍ଥିତ ସ୍ୱେଚ୍ଛାସେବୀ ଅନୁଷ୍ଠାନ ରେଆର ଆନୁକୁଲ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ଅନଙ୍ଗ ନେଗୀ ସଭାପତିତ୍ଵ କରିଥିଲେ I ମୁଖ୍ୟ ଅତିଥିଭାବେ ଉଫୁଳା ସରପଞ୍ଚ ଶ୍ରୀୟା କର୍ମୀ ଯୋଗ ଦେଇଥିବା ବେଳେ ସ୍ଵତନ୍ତ୍ର ନିମନ୍ତ୍ରୀତ ଅତିଥି ଭାବେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ଯୋଗ ଦେଇଥିଲେ l ସଭାରେ ସ୍ଵେଚ୍ଛାସେବୀ , ଅବିଭାବକ ଆଦି ବିଭିନ୍ନ ବର୍ଗର ବ୍ୟକ୍ତି ଯୋଗଦେଇ ଥିଲେ I ସ୍ୱାସ୍ଥ୍ୟ କାର୍ଯ୍ୟକ୍ରମ ରେ ତିନିବର୍ଷ ପୂର୍ଣ୍ଣ କରିଥିବା ସମସ୍ତ ସ୍ୱେଚ୍ଛାସେବୀ ଙ୍କୁ ଅତିଥି ମାନଙ୍କ ଦ୍ଵାରା ସମ୍ବର୍ଦ୍ଧନା ଜ୍ଞାପନ କରାଯାଇଥିଲା I ବିଶ୍ବମ୍ବର ସାହୁ ସଭା ସଂଯୋଜନା କରିଥିବା ବେଳେ କ୍ଷେତ୍ରକର୍ମୀ ମିତ୍ରଭାନୁ ମଲ୍ଲିକ ତଥ୍ୟ ଉପସ୍ଥାପନ କରିଥିଲେ ଓ ସ୍ଵେଚ୍ଛାସେବୀ ବୁଲି ରାଣୀ ଧନ୍ୟବାଦ ଅର୍ପଣ କରିଥିଲେ l