ରାଜାରାମ ଷଡଙ୍ଗୀ31/01/2025 at 5:57 PM
ସମ୍ବଲପୁର:ସମ୍ବଲପୁର ବଡ଼ବଜାର ସ୍ଥିତ ଗୋପାଳଜୀ ସଂସ୍କୃତ ବିଦ୍ୟାଳୟ ର ୩୬ତମ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ର ବରିଷ୍ଠ ଶିକ୍ଷକ ମଦନ ମୋହନ ହୋତା ଙ୍କ ଅଧ୍ୟକ୍ଷତା ରେ ଆୟୋଜିତ ଉଦଘାଟନୀ ଉତ୍ସବରେ ବିଦ୍ୟାଳୟ ର ସଭାପତି ଯତୀନ୍ଦ୍ର କୁମାର ଶର୍ମା ପତାକା ଉତ୍ତୋଳନ କରି କ୍ରୀଡା ଉତ୍ସବ ର ଶୁଭାରମ୍ଭ କରିଥିଲେ। କ୍ରୀଡା ଉତ୍ସବ ରେ ରୋଟାରୀ କ୍ଲବ ର ସଭାପତି ଦୁର୍ଗା ପାଣିଗ୍ରାହୀ ସମ୍ମାନିତ ଅତିଥି ରୂପେ ଯୋଗ ଦେଇଥିଲେ। ସେହିପରି ବିଦ୍ୟାଳୟ ର ପ୍ରଧାନ ଶିକ୍ଷୟତ୍ରୀ ଗୀତାରାଣୀ ପ୍ରଧାନ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଉଦଯାପନୀ ଉତ୍ସବ ରେ ରାଜ୍ୟ ପ୍ରଦୂଷଣ କଣ୍ଟ୍ରୋଲ ବୋର୍ଡ ସମ୍ବଲପୁର ଆଞ୍ଚଳିକ କାର୍ଯ୍ୟାଳୟ ର ଡେପୁଟି ବୈଜ୍ଞାନିକ ଅଂଶୁବାଳା କୁସୁମ ମିଞ୍ଜ ମୁଖ୍ୟ ଅତିଥି, ଆସିଷ୍ଟାଣ୍ଟ ବୈଜ୍ଞାନିକ ମନୋରଞ୍ଜନ ପ୍ରଧାନ ମୁଖ୍ୟବକ୍ତା, ବ୍ଲକ ଶିକ୍ଷା ଅଧିକାରୀ ଯଶୋବନ୍ତ ସାହୁ ବକ୍ତା ଭାବରେ ଯୋଗ ଦେଇଥିବା ବେଳେ ବିଦ୍ୟାଳୟ ର ସଭାପତି ଯତୀନ୍ଦ୍ର ଶର୍ମା, ରୋଟାରୀ କ୍ଲବ ର ସଭାପତି ଦୁର୍ଗା ପାଣିଗ୍ରାହୀ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ଏହି ଅବସରରେ କ୍ରୀଡା ପ୍ରତିଯୋଗିତା ର କୃତୀ ପ୍ରତିଯୋଗୀ ଙ୍କୁ ଅତିଥି ଗଣ ପୃରସ୍କାର ଦେଇ ସମ୍ମାନିତ କରିଥିଲେ। ଏହି କ୍ରୀଡା ଉତ୍ସବ କୁ ବୁର୍ଲା ର ଅବସରପ୍ରାପ୍ତ ଖେଳ ଶିକ୍ଷକ ଶାନ୍ତା ରନବିତିଆ, ଏହି ବିଦ୍ୟାଳୟ ର ଖେଳ ଶିକ୍ଷକ ବିବେକାନନ୍ଦ ପ୍ରଧାନ ପରିଚାଳନା କରିଥିଲେ। ଶିକ୍ଷକ ମଦନ ମୋହନ ହୋତା, ମିତ୍ରଭାନୁ ସାହୁ, ବିଦ୍ୟାଳୟ ର କର୍ମଚାରୀ ଜଗଦାନନ୍ଦ ପଣ୍ଡା ସହଯୋଗ କରିଥିଲେ। ଶେଷରେ ଶିକ୍ଷକ ରବିନ୍ଦ୍ର ନାୟକ ଧନ୍ୟବାଦ ଅର୍ପଣ କରିଥିଲେ।