ଦାଦନ ଖଟି ଯାଇଥିବା ଅସୁସ୍ଥ ବାପା ଙ୍କୁ ଆଣିବା ବାଟରେ ବିଶାଖାପାଟଣା ଡାକ୍ତରଖାନାରେ ମୃତ୍ୟୁ।
କଳାହାଣ୍ଡି,୨୭/୧୧
କଳାହାଣ୍ଡି ଜିଲ୍ଲା କୋକସରା ବ୍ଲକ କାଶିବାହାଲ ପଞ୍ଚାୟତ ନୂଆପଡା ଗ୍ରାମ ର ଭକ୍ତ ବାଗ (୬୨) ପରିବାର ବୋଝ ମୁଣ୍ଡାଇବାକୁ ଗତ ୩ ମାସ ତଳେ ବୃଦ୍ଧ ବୟସରେ ଦାଦନ ଖଟିବାକୁ ସୁଦୂର ଗୋଆ କୁ ଯାଇଥିବା ଶ୍ରମିକଙ୍କ ଅସୁସ୍ଥତା ପରେ ପୁଅ ପ୍ରକାଶ ବାଗ ଗାଁ ରୁ ଅସୁସ୍ଥ ବାପା କୁ ଆଣିବାକୁ ଯାଇ ଗୁରୁତର ବାପା ଙ୍କୁ ଟ୍ରେନ ଯୋଗେ ଭିଟାମାଟି କୁ ଆଣୁଥିବା ବେଳେ ଟ୍ରେନ ରେ ସ୍ୱାସ୍ଥ୍ୟ ଜଟିଳ ହେବାରୁ ବିଶାଖାପାଟଣା ର ସ୍ଥିତ ସରକାରୀ ଡାକ୍ତରଖାନାରେ ପୁଅ ଭର୍ତ୍ତି କରିଥିଲା। ତେବେ ଚିକିତ୍ସାଧୀନ ଅବସ୍ଥାରେ ଦାଦନ ବାପା ର ମୃତ୍ୟୁ ହୋଇଛି। ବାପା ଙ୍କ ମୃତ୍ୟୁ ପରେ ପୁଅ ଅସହାୟ ଅବସ୍ଥାରେ ବାପା ଙ୍କ ଶବ କୁ ଧରି ଏ ସମ୍ପର୍କରେ ଘରଲୋକ ଙ୍କୁ ଜଣାଇବା ପରେ ପରିବାର ଲୋକେ କରଜ କରି ୨୦ ହଜାର ଟଙ୍କା ପଠାଇବା ପରେ ବିଶାଖାପାଟଣା ରୁ ବାପା ଙ୍କ ଶବ କୁ ଆମ୍ବୁଲାନ୍ସ ଯୋଗେ ଗାଁ କୁ ନେଇ ଫେରୁଥିବା ସୂଚନା ମିଳିଛି। ତେବେ ମୃତ ଦାଦନ ଶ୍ରମିକଙ୍କ ପରିବାର କୁ ସରକାରୀ ସ୍ତରରେ ଆର୍ଥିକ ସହାୟତା ଯୋଗାଇଦେବାକୁ ଗ୍ରାମବାସୀ ମାନେ ଦାବି କରିଛନ୍ତି।
