ଡୋକରିଚଞ୍ଚରା ପର୍ଯ୍ୟଟନ ସ୍ଥଳୀ କାହାର ଆଲୋଚନା ଚକ୍ର ଅନୁଷ୍ଠିତ,ଟ୍ରଷ୍ଟ ବୋର୍ଡ ଗଠନ ନେଇ ଗୁରୁତ୍ୱାରୋପ।
କଳାହାଣ୍ଡି,୨୮/୧୧
କଳାହାଣ୍ଡି ଜିଲ୍ଲା କୋକସରା ବ୍ଲକ ସାହାଜଖୋଲ ଜଙ୍ଗଲ ମଧ୍ୟରେ ଅବସ୍ଥିତ ଅନ୍ୟତମ ପର୍ଯ୍ୟଟନ ସ୍ଥଳୀ ଗୁଡ଼ହାଣ୍ଡି ଡୋକରିଚଞ୍ଚରା ପରିଚାଳନା ଦାୟିତ୍ୱ କୁ ନେଇ ଗତବର୍ଷ ରେ ବିବାଦ ଦେଖାଦେଇଥିବା ବେଳେ ଧର୍ମଗଡ଼ ବନଖଣ୍ଡ ବିଭାଗ ଅନୁମୋଦନ ରେ ନୂତନ ଭାବେ ଗଠିତ ଇକୋ ଟୁରିଜମ କମିଟି କୁ ଗତବର୍ଷ ଶ୍ରୀରାମ ନବମୀ ମହୋତ୍ସବ ପରିଚାଳନା କରିବା ପାଇଁ ସାମୟିକ ଭାବେ ଜିଲ୍ଲା ପ୍ରଶାସନ ପକ୍ଷରୁ ଦାଇତ୍ୱ ଦିଆଯାଇଛି। ତେବେ ଦୀର୍ଘବର୍ଷ ଧରି ପୂର୍ବରୁ ଥିବା ଉନ୍ନୟନ କମିଟି ପରିଚାଳନା କରି ଆସୁଥିବା ବେଳେ ପ୍ରଶାସନ ର ଏହି ନିଷ୍ପତ୍ତି କୁ ବିରୋଧ କରି ପ୍ରତିବାଦ କରିବା ସହ ଏନେଇ ମାନ୍ୟବର ହାଇକୋର୍ଟରେ ଏକ ମାମଲା ରୁଜୁ କରି ଏକ ଟ୍ରଷ୍ଟ ବୋର୍ଡ ଗଠନ କରି ବ୍ଲକ ର ସମସ୍ତ ଜନ ପ୍ରତିନିଧି, ସଚେତନ ନାଗରିକ, ବୁଦ୍ଧିଜୀବୀ ପ୍ରଶାସନିକ ଅଧିକାରୀ ଙ୍କୁ ଏହି ବୋର୍ଡ଼ ରେ ସଦସ୍ୟ ରଖି ପର୍ଯ୍ୟଟନ ସ୍ଥଳୀ ର ପରିଚାଳନା ଦାୟିତ୍ୱ ଦେବାକୁ ଦାବି କରିଥିଲେ। ହାଇକୋର୍ଟ ର ନିର୍ଦ୍ଦେଶ ପରେ ଗତ କିଛି ମାସ ତଳେ ଏହାକୁ ଜିଲ୍ଲା ପ୍ରଶାସନ ପକ୍ଷରୁ ଏକ ସମନ୍ୱୟ କମିଟି ବୈଠକ କୋକସରା ବ୍ଲକ ସଭାଗୃହ ରେ ଜିଲ୍ଲା ପ୍ରଶାସନିକ ଅଧିକାରୀ ଉଭୟ କମିଟି ର ସଦସ୍ୟ ଙ୍କୁ ନେଇ ଆୟୋଜିତ ହୋଇଥିବା ବେଳେ କୌଣସି ନିଷ୍କର୍ଷ ବାହାରିନଥିଲା। ଏହି ଘଟଣା କୁ ନେଇ ଶୁକ୍ରବାର କୋକସରା ବ୍ଲକ ଟେମରା ଠାରେ ଡୋକରିଚଞ୍ଚରା ସୁରକ୍ଷା ମଞ୍ଚ ର ଆବାହକ ତଥା ସଭାପତି ରାଜେନ୍ଦ୍ର ନାଏକ ଙ୍କ ନେତୃତ୍ୱରେ ପର୍ଯ୍ୟଟନ ସ୍ଥଳୀ ଗୁଡ଼ହାଣ୍ଡି ଡୋକାରିଚଞ୍ଚରା କାହାର ନେଇ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି। ଏହି ଆଲୋଚନା ଚକ୍ର ରେ ସ୍ଥାନୀୟ ସରପଞ୍ଚ କ୍ଷିତିରାମ ପାତ୍ର, ପୂର୍ବତନ ସଭାପତି ଉନ୍ନୟନ କମିଟି ଭଦରେଶ୍ୱର ପାତ୍ର, ମହିମା ସମିତି ସଭ୍ୟ ତଥା ଉନ୍ନୟନ କମିଟି ର ପୂର୍ବତନ ଉପ ସଭାପତି ଘନଶ୍ୟାମ ନାଏକ,କୈଳାସ ଚଳାନ, ଘନଶ୍ୟାମ ନାଏକ, ଯୁବ ସାମ୍ବାଦିକ କିଶନ ପଟ୍ଟନାୟକ,ଚନ୍ଦ୍ରମଣି ମାଝୀ, ବାଳ ମୁକୁନ୍ଦ ସାହୁ ଏହି ଆଲୋଚନା ଅଂଶଗ୍ରହଣ କରି ନିଜର ମତାମତ ରଖିବା ସହ ଗୁଡ଼ହାଣ୍ଡି ଡୋକାରିଚଞ୍ଚରା କୁ ଗୋଟିଏ ପଞ୍ଚାୟତ ରେ ସୀମିତ ନକରି ବ୍ଲକ ସ୍ତରୀୟ ଏକ ଟ୍ରଷ୍ଟ କମିଟି ଗଠନ ଉପରେ ଗୁରୁତ୍ୱାରୋପ କରିଥିଲେ। କାର୍ଯ୍ୟକ୍ରମ ରେ ଅଞ୍ଚଳ ର ଜନ ସାଧାରଣ ଉପସ୍ଥିତ ରହି ସହଯୋଗ କରିଥିଲେ।
