ନେଗୀଗୁଡା ଉଚ୍ଚ ମାଧ୍ୟମିକ ବିଦ୍ୟାଳୟରେ ବାର୍ଷିକ କ୍ରୀଡ଼ା ଉତ୍ସବ ।
କଳାହାଣ୍ଡି,୧୯/୦୧
କଳାହାଣ୍ଡି ଜିଲ୍ଲା କୋକସରା ଗୋଷ୍ଠୀ ଶିକ୍ଷା ବିଭାଗ ଅଧିନସ୍ଥ ନେଗୀଗୁଡା ଉଚ୍ଚ ମାଧ୍ୟମିକ ବିଦ୍ୟାଳୟରେ କ୍ରୀଡ଼ାବାର୍ଷିକ କ୍ରୀଡ଼ା ଉତ୍ସବ ଉଦଯାପିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ପ୍ରଧାନ ଶିକ୍ଷକ ଯୁବରାଜ ଜାଲ ସଭାପତିତ୍ବ କରିଥିବାବେଳେ ମୁଖ୍ୟ ଅତିଥି ଭାବେ କୋକସରା ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ , ମୁଖ୍ୟବକ୍ତା ଭାବେ ମହିଚଲା ହାଇସ୍କୁଲ ବରିଷ୍ଠ ଶିକ୍ଷକ ସୂର୍ଯ୍ୟ ପ୍ରସାଦ ଠାକୁର, ସ୍ଵତନ୍ତ୍ର ଅତିଥି ଭାବେ ଗୋଷ୍ଠୀ ଶିକ୍ଷା ଅଧିକାରୀ ମହେଶ କୁମାର ଭାଟି , ସମ୍ମାନୀତ ଅତିଥି ଭାବେ ଡ଼ହଗାଁ ହାଇସ୍କୁଲ ବରିଷ୍ଠ ଶିକ୍ଷକ ସାମନ୍ତ ପଟ୍ଟଯୋଶୀ , ଏସ୍ ଏମ ଡି ସି ସଭ୍ୟ ଖଗପତି ଗୋପାଲ, ସମିତି ସଭ୍ୟ ରାଜୀବ ଖମାରୀ ପ୍ରମୁଖ ଉଦଘାଟନ କରିଥିଲେ । ଏହି ଅବସରରେ ଛାତ୍ରଛାତ୍ରୀ ମାନେ ଅତିଥି ମାନଙ୍କୁ ସ୍ଵାଗତ ସଙ୍ଗୀତ ଗାନ କରିବା ସହ ବିଭିନ୍ନ କ୍ରୀଡ଼ା ଓ ସାଂସ୍କୃତିକ କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ । ଉପାଧ୍ୟକ୍ଷ ଶ୍ରୀ ଅଗ୍ରୱାଲ କିଭଳି ବିଦ୍ୟାଳୟର ଭିତ୍ତିଭୂମି ବିକାଶ ହେବ ସେଥି ନିମନ୍ତେ ସହଯୋଗର ପ୍ରତିଶ୍ରୁତି ଦେଇଥିଲେ । ଶିକ୍ଷକ ରୋହିତ ସେଠ, କୁମୁଦ ନାଗ, ତନୂଜା ସାହୁ ମଞ୍ଚ ପରିଚାଳନା କରିଥିବା ବେଳେ ଶିକ୍ଷକ ଦିପ୍ତିରଞ୍ଜନ ଠାକୁର, ସମ୍ବିତ କୁମାର ନାୟକ, ସଂଘମିତ୍ରା ପ୍ରଧାନୀ, କାମାକ୍ଷ ରାଉତ ସହଯୋଗ କରିଥିଲେ।
