ଯାଜପୁର କୁସୁମା ସମ୍ମୁଖରେ ସୁରକ୍ଷାକର୍ମୀଙ୍କ ମାଡ଼ରେ ପର୍ଯ୍ୟଟକ ଆହତ
ଯାଜପୁର ସହର କୁସୁମା ସମ୍ମୁଖରେ ସୁରକ୍ଷାକର୍ମୀଙ୍କ ମାଡ଼ରେ ପର୍ଯ୍ୟଟକ ଆହତ ହେବା ଭଳି ଅଭାବନୀୟ ଦୃଶ୍ୟ ସାମ୍ନାକୁ ଆସିଛି। ଆହତ ଯୁବକ ହେଉଛନ୍ତି ବରୀ କଳାଖଣ୍ଡ ଅଞ୍ଚଳର ଦେଵବ୍ରତ ସାହୁ ଓ ହାପି ସାହୁ। ଗତ କାଲି ଅପରାହ୍ନରେ କୁସୁମା ର ଟିକେଟ କଟା କୁ କେନ୍ଦ୍ର କରି ସୁରକ୍ଷାକର୍ମୀ ଓ ଯୁବକଙ୍କ ମଧ୍ୟରେ ପ୍ରଥମେ ବଚସା ଓ ପରେ ଏହା ଗଣ୍ଡଗୋଳର ରୂପ ନେଇଥିଲା| ଯେଉଁଥିରେ ସୁରକ୍ଷା କର୍ମୀଙ୍କ ମାଡ଼ରେ ଦେବବ୍ରତଙ୍କ ମୁଣ୍ଡ ଫାଟିଯାଇଥିବା ଦେଖିବାକୁ ମିଳିଛି। ସେପଟେ ସିକ୍ୟୁରୀଟି ଗାର୍ଡଙ୍କୁ ଦୁଇ ଯୁବକ ମଦ ପିଇ ଅଶାଳୀନ ବ୍ୟବହାର କରିଥିବା ଅଭିଯୋଗ ମଧ୍ୟ ହୋଇଛି। ଏ ନେଇ ଯାଜପୁର ପୋଲିସ ଘଟଣା ସ୍ଥଳରେ ପହଂଚି ପଚରା ଉଚୁରା କରି ତଦନ୍ତ ଜାରି ରଖିଛି।
