ସିତାଂଶୁ ଶେଖର ଜେନା8/07/2023 at 7:32 PM
ଶୁକ୍ରବାର ସକାଳ ୧0 ଘଟିକା ସମୟରେ ଦଶରଥପୁର ବ୍ଲକ ଥାଲକୁଡ଼ି ସ୍ଥିତ ଡାକବଙ୍ଗଳା ଠାରେ ଉତ୍କଳ ସାମ୍ବାଦିକ ସଙ୍ଘ ଦଶରଥପୁର ବ୍ଲକ୍ ଶାଖା ପକ୍ଷରୁ ଏକ ବୈଠକ ଅନୁଷ୍ଠିତ ହୋଇଯାଇଛି| ଯାଜପୁର ଜିଲ୍ଲା ଉତ୍କଳ ସାମ୍ବାଦିକ ସଂଘର ଜିଲ୍ଲା ସଭାପତି ହରିହର ସ୍ୱାଇଁଙ୍କ ଅନୁମୋଦନ କ୍ରମେ ଉତ୍କଳ ସାମ୍ବାଦିକ ସଙ୍ଘ ଦଶରଥପୁରର ଦେବେନ୍ଦ୍ର ସାମଲଙ୍କୁ ସଭାପତି, ଜୟପ୍ରକାଶ ନାୟକଙ୍କୁ ସମ୍ପାଦକ ଓ ପ୍ରତାପ ମଲ୍ଲିକଙ୍କୁ କୋଷାଧକ୍ଷ ଭାବେ ସର୍ବସମ୍ମତି କ୍ରମେ ମନୋନୀତ କରାଯାଇଛି| ଏହି ବୈଠକରେ ସଂଘର ସଦସ୍ୟ ସୀତାଂଶୁ ଶେଖର ଜେନା, ଜ୍ୟୋତିପ୍ରକାଶ ମିଶ୍ର, ପ୍ରତାପ ମଲ୍ଲିକ, ବିଜୟ କୁମାର ରାଉତ, ସଞ୍ଜୟ ରାୟ, ମନୋରଞ୍ଜନ ମଲ୍ଲିକ, ପ୍ରକାଶ କୁମାର ସାହୁ, ସୁରେଶ ସେଠି ଆଦି ଉପସ୍ଥିତ ଥିଲେ| ସଭାପତି ଭାବେ ମନୋନିତ ହେବାପରେ ଆଗାମି ଦିନରେ ସଙ୍ଘ ପକ୍ଷରୁ ବିଭିନ୍ନ ଜନହିତକର କାର୍ଯ୍ୟ ହାତକୁ ନିଆଯିବ ବୋଲି ଶ୍ରୀଯୁକ୍ତ ସାମଲ କହିଥିଲେ | ସେହିପରି ସମ୍ପାଦକ ଶ୍ରୀଯୁକ୍ତ ନାୟକ ସମସ୍ତ ସଦସ୍ୟ ମାନଙ୍କୁ ସଂଘର ନୀତିନିୟମ ମାନି ଚଳିବା, ଶୃଙ୍ଖଳା ରକ୍ଷା କରିବା ସହ ସଂଘର ନିତି ଆଦର୍ଶକୁ ଅନୁସରଣ କରି କାର୍ଯ୍ୟ କରିବା ପାଇଁ କହିଥିଲେ| ଶେଷରେ ସଙ୍ଘ ପକ୍ଷରୁ ସଭାପତି, ସମ୍ପାଦକ ଓ କୋଷାଧ୍ୟକ୍ଷଙ୍କୁ ପୁଷ୍ପଗୁଛ ଦେଇ ସମ୍ବର୍ଦ୍ଧିତ କରାଯାଇଥିଲା |