ସନତ କୁମାର ପ୍ରାଧନୀ30/08/2024 at 4:53 PM
କଳାହାଣ୍ଡି:୩୦/୦୮
କଳାହାଣ୍ଡି ଜିଲ୍ଲା କୋକସରା ବ୍ଲକ ଗୋଷ୍ଠି ଶିକ୍ଷା ବିଭାଗ ଅଧୀନରେ ଥିବା କାଶିବାହଲ ଧନସରା ପ୍ରାଥମିକ ବିଦ୍ୟାଳୟର ନବ ନିର୍ମିତ ଶ୍ରେଣୀ ଗୃହ କୁ ଶୁକ୍ରବାର ମୁଖ୍ୟ ଅତିଥୀ ଭାବେ କୋକସରା ବ୍ଲକ ଅଧ୍ୟକ୍ଷା ରିତା ଅଗ୍ରୱାଲ ଓ ସମ୍ମାନିତ ଅତିଥି ଭାବେ ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ ଯୋଗଦେଇ ଉଦଘାଟନ କରିଛନ୍ତି। ଏହି ଅବସର ରେ ଅଧ୍ୟକ୍ଷା ଓ ଉପାଧ୍ୟକ୍ଷ ସ୍କୁଲ ର ପ୍ରଧାନ ଶିକ୍ଷୟିତ୍ରୀ କସ୍ତୁରୀ ଛାତ୍ରୀଆ, ସହ ଶିକ୍ଷୟିତ୍ରୀ ତରୁଲତା ନାଏକ ଙ୍କ ସହ ସ୍କୁଲ ର ବିଭିନ୍ନ ବିଷୟରେ ଆଲୋଚନା କରିବା ପରେ ଛାତ୍ରଛାତ୍ରୀ ଙ୍କ ସହ ମଧ୍ୟ ପାଠପଢା ଉପରେ ପଚାରି ବୁଝିଥିଲେ। ଜନ ପ୍ରତିନିଧି ଙ୍କ ସହ ଯୁବ ସମାଜସେବୀ ପ୍ରଣବ ବେହେରା,ସଞ୍ଜୟ ସିଙ୍ଘଲ, ବିଦ୍ୟାଳୟ ପରିଚାଳନା କମିଟିର ସଦସ୍ୟ ପ୍ରମୁଖ ଉପସ୍ଥିତ ଥିଲେ।