ସିତାଂଶୁ ଶେଖର ଜେନା19/05/2023 at 7:09 PM
ଯାଜପୁର: ଦଶରଥପୁର ବ୍ଲକ ବିରିପଟା ଠାରେ ସ୍ଥାନୀୟ ମନ୍ମଥ ଧଳ ଡିଗ୍ରୀ କଲେଜ ର ସେକ୍ରେଟାରୀଙ୍କ ପ୍ରଦତ୍ତ ପ୍ରସ୍ତାବକୁ ଓ ପରିଦର୍ଶନ ରିପୋର୍ଟକୁ ବିଚାର କରି ଭୁବନେଶ୍ୱର ସ୍ଥିତ ଆଞ୍ଚଳିକ ଉଚ୍ଚଶିକ୍ଷା ନିର୍ଦେଶାଳୟର ଉପ ନିର୍ଦେଶକ ଶ୍ରୀ ରଜତ କୁମାର ମାନସିହ ଚିଠି ନଂ 18793/0405023 ଚଳିତ 2023-24 ଶିକ୍ଷା ବର୍ଷ ଠାରୁ ମନ୍ମଥ ଧଳ ଡିଗ୍ରୀ କଲେଜ ଖୋଲିବାକୁ ଅନୁମତି ପ୍ରଦାନ କରିଛନ୍ତି| ଯୁକ୍ତ ୩ କଳା ଓ ବାଣିଜ୍ୟରେ 128 ଲେଖାଏଁ ସିଟରେ ଛାତ୍ରଛାତ୍ରୀଙ୍କ ନାମ ଲେଖା ପାଇଁ ଅନୁମତି ପ୍ରଦାନ କରିଛନ୍ତି| ଯୁକ୍ତ ତିନି କଳା ରେ ଆତ୍ମ ଆର୍ଥିକ ମାଧ୍ୟମରେ ନାମ ଲେଖାଇ ପାରିବେ| ଏହି ନିର୍ଦ୍ଧେଶନାମା ହାଇ ପାୱାର କମିଟି ଅଧୀନ ଅଟେ| ୟୁଜିସି ଗାଇଡଲାଇନ ଅନୁଯାୟୀ ସମ୍ପୃକ୍ତ ବିଶ୍ୱବିଦ୍ୟାଳୟ କତୃପକ୍ଷଙ୍କ ଠାରୁ ଆବଶ୍ୟକୀୟ ଆପତ୍ତି ନ ଥିବା ପ୍ରମାଣ ପତ୍ର ଓ ସ୍ୱୀକୃତି ପତ୍ର କଲେଜ କତୃପକ୍ଷ ଚଳିତ ଶିକ୍ଷା ବର୍ଷ ରେ ଛାତ୍ର ଛାତ୍ରୀ ଙ୍କ ନାମ ଲେଖା ପୂର୍ବରୁ ସଂଗ୍ରହ କରିବେ| କଲେଜର ଅଧ୍ୟକ୍ଷ ନିୟମ ଅନୁଯାଇ ନାମଲେଖା ପାଠ୍ୟ ଖସଡ଼ା ପ୍ରସ୍ତୁତି ଉପଯୁକ୍ତ ଭାବେ ଶ୍ରେଣୀ ପରିଚାଳନା ଗୁଣାତ୍ମକ ଶିକ୍ଷା ବ୍ୟବସ୍ଥା ଓ ଶୃଙ୍ଖଳା ରକ୍ଷା କରିବା ପାଇଁ ବ୍ୟବସ୍ତା ଗ୍ରହଣ କରି ଉଚ୍ଚ କତୃପକ୍ଷଙ୍କୁ ଜଣାଇବାକୁ ନିର୍ଦେଶ ଦିଆଯାଇଛି|