ସନତ କୁମାର ପ୍ରାଧନୀ

14/04/2025 at 7:41 PM

କଳାହାଣ୍ଡି:୧୪/୦୪
ସୋମବାର ଦିନ ଲକ୍ଷ୍ମୀ ବିକାଶ ଗୃପ ଅଫ୍ ଇନଷ୍ଟିଚ୍ୟୁସନ , ଭବାନୀପାଟଣା ୱିସ୍ଡମ୍ ପାର୍କ ପରିସରରେ ଚଳଚ୍ଚିତ୍ର ମହୋତ୍ସବର ଦ୍ଵିତୀୟ ଦିନରେ ବିଭିନ୍ନ ଫିଲ୍ମ ଓ କର୍ମଶାଳା ଅନୁଷ୍ଠିତ ହୋଇଛି ।
ଶିଶୁ ଓ ଯୁବମାନଙ୍କ ଦକ୍ଷତା ବୃଦ୍ଧି ନିମନ୍ତେ ଶିଶୁ ମନସ୍ତତ୍ତ୍ୱ ଉପରେ ଆଧାରିତ ଅନ୍ତର୍ଜାତୀୟ ,ଖ୍ୟାତି ସମ୍ପନ୍ନ ଚଳଚ୍ଚିତ୍ରମାନ ତିନି ଗୋଟି ପ୍ରେକ୍ଷାଳୟରେ ପ୍ରଦର୍ଶିତ ହେଉଛି । ବିଦ୍ୟାର୍ଥୀମାନେ ଅତ୍ୟନ୍ତ ଉତ୍ସାହ ସହିତ ବିଶ୍ୱର ବିଭିନ୍ନ ଭାଷାର ବହୁ ଚର୍ଚ୍ଚିତ ଫିଲ୍ମଗୁଡିକୁ ଉପଭୋଗ କରିବାର ସୁଯୋଗ ପାଉଛନ୍ତି। କେବଳ ଫିଲ୍ମ ଦେଖିବା ନୁହେଁ , ଖ୍ୟାତନାମା ଚଳଚ୍ଚିତ୍ର ନିର୍ଦ୍ଦେଶକ ଜିତେନ୍ଦ୍ର ମିଶ୍ର, ପର୍ପଲ୍ ଫିଲ୍ମ ଲ୍ୟାବସ୍ ର ପ୍ରତିଷ୍ଠାତା ଶ୍ୱେତା ପରଖ , ଜର୍ଜିଆରୁ ସୁଶ୍ରୀ ଆନା ଡୋବୋର୍ଜଗିନିଡଜେ, ଲିଥୁନିଆରୁ ସୁଶ୍ରୀ ରାସା ଓଜିଉନାଇଟେ, ୟୁକ୍ରେନରୁ ଭୋଲୋଡିମିର୍ ପ୍ରିଟୁଲାଙ୍କଠାରୁ ‘ କ୍ରିଏଣ୍ଟିଙ୍ଗ୍ ଇମ୍ପାକ୍ଟ ଫୁଲ୍ ଫିଲ୍ମ ଏଣ୍ଡ କନେକ୍ଟିଙ୍ଗ୍ ଉଇଥ୍ ଇୟୋର ସେଲ୍ଫ’ ଶୀର୍ଷକ କର୍ମଶାଳାରେ ଶିକ୍ଷାର୍ଥୀମାନେ ଚଳଚ୍ଚିତ୍ର ସମ୍ବନ୍ଧୀୟ ପଚାରିଥିବା ପ୍ରଶ୍ନଗୁଡିକର ଉତ୍ତର ଦେଇଥିଲେ । କର୍ମଶାଳା ଟି ଛାତ୍ରଛାତ୍ରୀ ଙ୍କ ପାଇଁ ଶିକ୍ଷଣୀୟ ଓ ରୋଚକପୂର୍ଣ୍ଣ ରହିଥିଲା।